گه‌ڕان

Shadow Shadow
سیاسه‌تی

هەڵوێستی پەرلەمان لەبارەى بڕینی موچەی فەرمانبەرانی عێراق

2020.10.17 - 08:48
App store icon Play store icon Play store icon
هەڵوێستی پەرلەمان لەبارەى بڕینی موچەی فەرمانبەرانی عێراق

ناس کورد-

پەرلەمانى عێراق دەستبردن بۆ موچەى فەرمانبەران ڕەت دەکاتەوە و داوا دەکات رێگەچارەى دیکە بۆ پڕکردنەوەى کورتهێنان بدۆزێتەوە.

کەناڵی ناس کورد لە تێلیگرام جۆین بکە   

 

توعمە لوهەیبى، ئەندامى پەرلەمانى عێراق بە ڕۆژنامەى فەرمى عێراقى ڕاگەیاندووە (17ی تشرینی یەكەمی 2020)، "دەستبردن بۆ موچەى فەرمانبەران هێڵى سورە و لەپەرلەمان تێناپەڕێت، داوادەکەین حکومەت رێگەى دیکە بۆ دابینکردنى پارە بدۆزێتەوە".

 

زیاتر بخوێنەوە: وەزیری دارایی عێراق سێ چارەسەر بۆ قەیرانی موچە دەخاتەڕوو

 

 

وتیشى، "ئەوەى لە وەرەقەى سپى چاکسازى هاتووە لەبارەى کەمکردنەوەى موچە رەتکراوەیە و کارێکى مەحاڵە، دەکرێت حکومەت لەجیاتى ئەوە موچەى پلە تایبەتەکان و دوو موچەکان کەم بکاتەوە".

 

لاى خۆیەوە، جەمال ئەحمەد، ئەندامى پەرلەمانى عێراق دەڵێت، "حکومەت لەرووى دەستورییەوە ناتوانێت موچە کەم بکاتەوە و لە ساڵانى رابردوودا ئەو هەنگاوە لەلایەن پەرلەمانەوە ڕەت کراوەتەوە".

 

ئاماژەى بەوەشکردووە، لەئێستادا گفتوگۆ هەیە لەناو پەرلەمان لەبارەى یاساى خزمەتى شارستانى نوێ لەپێناو دوبارە رێکخستنەوەى موچە.