گه‌ڕان

Shadow Shadow
سیاسه‌تی

دوا زانیاری لەسەر سەربڕینی مامۆستایەك لە فەرەنسا كە فیلم كارتۆنی پێغەمبەری نمایش كردووە

2020.10.16 - 23:46
دوا زانیاری لەسەر سەربڕینی مامۆستایەك لە فەرەنسا كە فیلم كارتۆنی پێغەمبەری نمایش كردووە

ناس كورد-

 

ئێوارەی ئەمڕۆ هەینی لە پاریسی پایتەختی فەرەنسا کەسێک سەری مامۆستایەکی وانەی مێژووی بڕی كە پێشتر فیلم کارتۆنی محەممەد، پێغەمبەری ئیسلامی لەنێو پۆلدا بۆ خوێندكاران نمایش کردووە و دواتر بەدەستی پۆلیس كوژرایەوە. 

 

بەپێی راپۆرتی فرانس 24، ئەو کەسەی هێرشی کردووەتە سەر مامۆستاکە، لەکاتی هەوڵدانی پۆلیس بۆ دەستگیرکردنی، تەقەیان لێکردووە و دواتر بەهۆی سەختیی برینەکەیەوە گیانی لەدەستداوە و بەدوای ئەوەدا داواكاری گشتی دۆسیەیەكی تاوانی تیرۆری كردووەتەوە. 

 

رووداوەکە کاردانەوەیەکی زۆری لە فەرەنسا لێکەوتەوە، بڕیارە ئەمشەو، ئیمانوێل ماکرۆنی سەرۆکی فەرەنسا سەردانی شوێنی رووداوەکە بکات کە نزیکەی 30 کیلۆمەتر لە سەنتەری پاریسەوە دوورە. 

 

سەرچاوەیەک لە پۆلیسی فەرەنسا ئاشکرایکردووە، ئەو هێرشکارە لەکاتی هێرشەکەدا هاواری کردووە "ئەڵڵاهو ئەکبەر"، بەدوای ئەوەشدا تیمی لوغم بانگكراون لەترسی هەبوونی پشتێنی بۆمب ڕێژكراو. 

 

وەزیری پەروەردەی فەرەنسا جان میشیل بلانكیر لە تویتەری خۆی نووسیویەتی "یەكڕیزی و خۆڕاگری" وەڵامە بۆ "وەحشیگەری تیرۆری ئیسلامی".