گه‌ڕان

Shadow Shadow
سیاسه‌تی

سیاسەتمەدارێکى عێراقى داواى نزیکبوونەوەى زیاترى هەولێر و بەغدا دەکات

2020.10.16 - 20:15
سیاسەتمەدارێکى عێراقى داواى نزیکبوونەوەى زیاترى هەولێر و بەغدا دەکات

ناس کورد-

 

سیاسەتمەدارێکى عێراقى رایدەگەیەنێت، ئەو بارودۆخە سەختەى ئێستا عێراقى پێداتێدەپەرێت لەرووى ناوخۆیی و دەرەکییەوە، نزیکبوونەوەى زیاترى هەولێر لە بەغدا دەخوازێت.

 

عزەت شابەندەر لە تویتێکدا ئاماژەى بەوەکردووە (16ی تشرینی یەكەمی 2020)، دۆخەکە ئەوە دەخوازێت هەولێر زیاتر لە بەغدا نزیکبێتەوە، بۆ گەڕانەوەى متمانە و رۆڵى ناوەند لە بنیاتنانى هاوبەشى راستەقینە بۆ بنیاتنانى دەوڵەت و بەڕێوەبردنى لەسەر بنەماى یەکێتى نیشتیمانى و بەرژەوەندى سەرجەم پێکهاتەکان.

 

پەیوەندییەکانى بەغدا و هەرێم لەو کاتەوە کە مستەفا کازمى چووەتە سەر کورسی سەرۆک وەزیرانى عێراق روویان لە ئاسایی بوونەوە کردووە و هەردوولا لە ناوەڕاستى حوزەیراندا ڕێککەوتنێکی کاتیان لەسەر کێشەى نەوت و بودجە تا کۆتایی ئەمساڵ راگەیاند.

 

لەئێستادا هەردوولا دەیانەوێت بگەن بە رێککەوتنێکى گشتگیر و کۆتایی لەسەر کێشە هەڵپەسێردراوەکانى نێوانیان.