گه‌ڕان

Shadow Shadow
سیاسه‌تی

سێ کەس پێکەوە گیانیان لەدەستدا..دووانیان خوشک و بران

2020.10.16 - 19:16
سێ کەس پێکەوە گیانیان لەدەستدا..دووانیان خوشک و بران

ناس کورد- ئاکۆ حەمەد رابی

 

رووداوێکى هاتوچۆ لە سنورى قەزاى چۆمان گیان لەدەستدانى سێ کەسى لێکەوتەوە، کە دووانیان خوشک و بران.

 

رائید دلاوەر لەتیف وتەبێژی پۆلیسی ھاتوچۆی سۆران بە ناس کوردی ڕاگەیاند (16ی تشرینی یەكەمی 2020) "ئێوارەی ئەمڕۆ هەینی ئۆتۆمبێلێکی جۆری پیکاب دێر لە گوندی ئێنەی قەزای چۆمان وەرگەڕاو لە ئەنجامدا سێ هاوڵاتی گیانیان لەدەستداو یەکێکیشیان بریندار بووە".

 

ئاماژەی بەوەشدا هەریەک لە خدر حەمەدەمین قادر تەمەن 40ساڵ، ڤیان حەمەدەمین قادر 30 ساڵ و محەمەد نادر حسن گیانیان لەدەستداوە، شوفێرەکەش بەناوی نادر حسن بە سەختی بریندار‌بووە.

 

وتەبێژی پۆلیسی هاتوچۆی سۆران باسی لەوەشکرد، هەردوو خێزانەکە دانیشتوی گوندی ماویلیانی قەزای ڕواندزن و بۆ مەبەستی کشتوکاڵی چوونەتە دەڤەری باڵەکایەتی.

 

لەبارەی هۆکاری ڕودانی ڕووداوەکەش وتی، ئۆتۆمبێلەکە توندو تۆڵ نەبووە و مەرجی سەلامەتی تێدا نەبووە و بۆ ڕێگاکە گونجاو نەبووە.