گه‌ڕان

Shadow Shadow
سیاسه‌تی

’’چاوەڕێی سەرەداوێکین’’

قسەی باوکی ئامانج بابانی لە یەكەم ساڵیادی گیانلەدەستدانیدا

2020.10.16 - 15:40
App store icon Play store icon Play store icon
قسەی باوکی ئامانج بابانی لە یەكەم ساڵیادی گیانلەدەستدانیدا

ناس کورد-

لە ساڵیادی ڕووداوی گیانلەدەستدانی ئامانج بابانی و هاوسەری و منداڵەکەى، باوکی ئامانجی بابانی دەڵێت، دەسەڵات کەیسەکەى ئامانجی داخستووە و هیچیش لەگەڵ دەسەڵاتدا ناوترێت، ئێمە کەیسەکەمان دانەخستووە و داواشمان نەکردووە."

کەناڵی ناس کورد لە تێلیگرام جۆین بکە   

 

محه‌مه‌د نورى، باوكى ئامانج بابانى (16ی تشرینی یەکەمی 2020) بە ناس کوردی وت، "ئێمە داوا دەکەین لە خوا سەرەداوێکمان دەستکەوێت بۆ ئەوەى بزانین ئەم بابەتە چۆنە و چۆن ڕووی داوە، چونکە هەموو کەس و دۆست و هاوڕێکانی دەزانن کە ئامانج لە ژیانیشیدا دەمەقاچانیشی نەتەقاندووە نەک ئەوەى دەمانجە بەکاربهێنێت."

 

دەشڵێت، "ئامانج لە ژیانیدا چەکی بەکارنەهێناوە و نەیبووە، ئاواتیشی ئەوە نەبووە چەکی پێ بێت، هەموو خەڵک دەزانن کە بابەتی خۆکوشتنی ئامانج دورە لە ڕاستییەوە و ئەسڵ و ئەساسی نییە."

ڕۆژی ٢٨ی کانونی دووەمی ٢٠٢٠، دادگای سلێمانی کەیسی گیانلەدەستدانی هەردوو ڕۆژنامەنوس "ئامانج بابان و لانە محەمەد" و منداڵەکەیانی داخست، بەپێی بڕیارەکە، کردەوەکە خۆکوژی بووە.

me_ga.php?id=1238

بەپێی دەقی بڕیاری دادگا لە کەیسی ئامانج محمد نوری و لانە محمد صاڵح و ھامنۆی کوڕیان، دادگای لێکۆڵینەوەی سلێمانی لە 18ی کانونی یەکەمی 2019 ئەوەی تۆمارکردووە کردەوەی خۆکوژی بووە و بەھۆی ئەوەی ئامانج کۆتایی بەژیانی خۆشی ھێناوە کەیسەکە داخرا بەشێوەیەکی کۆتایی.

 

ئێواره‌ی 16ی تشرینى یەکەمى 2019، ئامانج بابانی و لانه‌ محه‌مه‌د و منداڵەکەیان بەناوی هانۆ، له‌ناو ئۆتۆمبێلێک له‌ نزیک تێرمیناڵی سلێمانی لە ڕوداوێکدا گیانیان لەدەستدا، به‌ گوێره‌ی لێکۆڵینه‌وه‌کانی پۆلیس، ئامانج هاوسه‌ر و منداڵه‌که‌یان کوشتووه‌ و دواتریش کۆتایی به‌ ژیانی خۆی هێناوه.

me_ga.php?id=1240me_ga.php?id=1239