گه‌ڕان

Shadow Shadow
سیاسه‌تی

عەسایب بۆ زێباری: بەناوی ئەو كوردەوە قسە مەكەن كە برسیتان كرد

2020.10.16 - 14:35
عەسایب بۆ زێباری: بەناوی ئەو كوردەوە قسە مەكەن كە برسیتان كرد

ناس كورد-

حەسەن سالم، پەرلەمانتاری دیاری فراكسیۆنی عەسایب لە پەرلەمانی عێراق لە نوێترین وەڵامیدا بۆ تویتەكەی هوشیار زێباری دەڵێت، "كوردتان برسی كردووە و بۆ دەستگرتن بەسەر مافەكانیدا پاساوی پێ دەهێننەوە".

 

حەسەن سالم لە ڕاگەیەنراوێكدا كە گروپی میدیایی پەرلەمانی عێراق بڵاویكردووەتەوە (16 تشرینی یەكەمی 2020) دەڵێت، "عاقیبەت حسابە زێباری، ئەو بەرگری و ئۆپۆزسیۆنەی باسی ئەكەیت نرخەكەیت وەرگرتووە."


سالم ئەوەشی وتووە، "ئێمە بەیەك چاو سەیری گەلی عێراق دەكەین دژی جوداخوازەكانین، گەلی كوردمان كە برسیتان كردووە دەكەنە پاسا و بۆ ئەوەی مافەكانی دەست بەسەردا بگرن و ئەوان لە دڵماندان و بەرگرییان لێ دەكەین لە سۆنگەی برایەتی و ئاین و نیشتمان نەك نەتەوایەتی كە ڕق لەنێوان رۆڵەكانی یەك گەلدا بەرهەم دەهێنێت."

هۆشيار زێبارى، ئەندامی مەکتەبی سیاسی پارتی دیموکراتی کوردستان لەوەڵامی حەسەن سالمدا لە پەیجی فەرمیی خۆی لە تۆڕى كۆمەڵايەتى فەیسبوک ڕۆژی (14 تشرینی یەكەمی 2020) بڵاويكردەوە، لێدوانەكانى "حەسەن سالم" پەرلەمانتارى كوتلەى سادقون دژى ئێمە تۆمەتەكانى ڕژێمى لەناوچوى سەداممان بيردەهێنێتەوە دەرهەق بە بەرگرى و ئۆپۆزسيۆنى نيشتمانى عێراق و تۆمەتە بێماناكانى وەك بەكرێگيراو و ناپاكى."


هێماى بۆ ئەوەشكردوە، ئەوەش دەريدەخات هيچ شتێك لە عەقڵيەتى سياسى گشتگير و ڕەگەزپەرستى و تاييفى پەرلەمانتارەكانى ئێستا نەگۆڕاوە، ئەوەش بەڵايەكى گەورەيە.


پێشتر حەسەن سالم كە هاوكات فەرماندەيەكى گروپی عەسائیبی ئەهلی حەقە هێرشى كردە سەر زێبارى و ئاماژەى بەوەدابوو "پێويستە سکاڵای یاسایی لەسەر هۆشيار زێبارى تۆمار بکرێت".


وتبوشى، حەشدی شەعبی زۆر لەوە پیرۆزترە "وەزیرێکی گەندەڵکار و نۆکەرێکی ئەمریکا و زایۆنیزمێكى وەک زێباری سوکایەتی پێ بکات"ش، ئەگەر خوێنی پیرۆزی ئەوان و هێزە ئەمنییەکان نەبوایە زێباری یەکەم کەس بوو لەترسی داعش هەڵدەهات، داواشی لە فەرماندەی گشتی هێزە چەکدارەکان کردبوو ڕێکاری یاسایی دژى بگرێتە بەر.