گه‌ڕان

Shadow Shadow
سیاسه‌تی

مەسعود بارزانی کتێبێک لەبارەى ڕیفراندۆمەوە بڵاودەکاتەوە

2020.10.16 - 13:35
مەسعود بارزانی کتێبێک لەبارەى ڕیفراندۆمەوە بڵاودەکاتەوە

ناس کورد-

وتەبێژی فراکسیۆنى پارتی لە پەرلەمانی کوردستان ئاشکرای کرد، مەسعود بارزانی، سەرۆکى پارتی دیموکراتی کوردستان "لە کتێبە تازەکەی (بۆ مێژوو) کە بەم زووانە بڵاودەبێتەوە" چەند باسێک لەبارەى ڕیفراندۆم بڵاودەکاتەوە."

 

پێشەوا هەورامانی لە فەیسبوکی خۆی (16ی تشرینی یەکەمی 2020) نوسیویەتی، بارزانی لە کتێبەکەیدا لەبارەى ڕیفراندۆمەوە دەڵێت، "لە سەد ساڵی ڕابردوودا گەلی کوردستان هەموو ڕێگایەکی تاقیکردەوە بۆئەوەی بتوانێ لەگەڵ دەوڵەتی عێراقدا لە ئاشتی و شەراکەت و یەکسانیدا بژی،لەبەرانبەر ئەوەدا حکوومەتی عێراق هەتا توانییان،وزەو دامەزراوەکانی دەوڵەتییان بە ئاراستەی شۆڤێنیزم و تائیفەگەری تاودا."

 

بەپێی بڵاوکراوەکەى پێشەوا هەورامانی، مەسعود باسی لە کتێبە تازەکەیدا نوسیویەتی، "ڕێگای پەراوێزخستن و تەعریب و جینۆساید و نانبڕین و نکۆڵیکردنیان گرتەبەر، هەر بۆیەش گەلی کوردستان دوای ئەوەی لە هەموو ڕێگایەک نائومێدبوو ڕیفراندۆمی ئەنجامدا."

 

"ڕیفراندۆم قوڵایی پێگەیشتوویی و باوەڕی گەلی کوردستانی نیشاندا بۆ چارەسەری ئاشتیانەو سەردەمیانەی کێشەیەکی ئاڵۆزی سەد ساڵە، بەڵام وەڵامی دەنگی ڕەواو ئاشتیانەی گەلی کوردستان دیسان زەبرو زەنگ و چەک و عەقڵیەتی شۆڤێنی بوو" بارزانی وای نوسیوە.

 

بەپێی زانیارییەکان، بارزانی لە کتێبەکەیدا باس لە هۆکارەکانی ئەنجامدانی ڕیفڕاندۆم و هەڵوێستی بەرپرسانی عێراق و وڵاتانی ئیقلیمی هەروەها جێگرەوەکانی ڕیفراندۆم و هەڵوێستی ئیدارەی ئەمریکا  باس دەکات.