گه‌ڕان

Shadow Shadow
سیاسه‌تی

میدیای یەكێتی نامەیەكی لاهوری شێخ جەنگی بڵاودەكەنەوە دەربارەی 16ی ئۆكتۆبەر

2020.10.16 - 10:06
میدیای یەكێتی نامەیەكی لاهوری شێخ جەنگی بڵاودەكەنەوە دەربارەی 16ی ئۆكتۆبەر

ناس کورد-

لە ساڵیادی ڕووداوەكانی 16ی ئۆكتۆبەردا میدیاكانی بە بڵاوكردنەوەی داوایەكی لاهوری شێخ جەنگی وەڵامی هێرشەكانی پارتی دەدەنەوە.

 

بەپێی ئەو نوسراوە كە ئەمڕۆ (16ی تشرینی یەكەمی 2020) جارێكی تر بڵاوكراوەتەوە، لاهور شێخ جەنگی ئەوكاتەی بەرپرسی ئاژانسی زانیاری بووە، بە نوسراوێکی فەرمیی داوای لە دامەزراوەكانی سەرۆكایەتی حكومەت و هەرێم كردووە، لێکۆلینەوە لەبارەی ڕاستی ڕووداوەکانی شانزەی ئۆکتۆبەر بکەن. (7 ئازاری 2018).

 

لەو نوسراوەدا، لاهوری شێخ جەنگی، ڕەخنە دەگرێ کە بۆچی کەمتەرخەمی کراوە لەوەی لیژنەی دەرخستنی ڕاستیەکان لەبارەی شانزەی ئۆکتۆبەرەوە دەست بەکارببێت و پێشنیازیشی کردووە چاو لەهیچ کەس و لایەن و تۆمەتبارێک نەپۆشرێت و ئەنجامی لێکۆلینەوەکانیش بۆ ڕای گشتی کوردستان بڵاوبکرێتەوە.


بەپێی میدیاكانی یەكێتی، ڕووداوەکان و کاردانەوەکانی دوای ئەنجامدانی ریفراندۆم بەتەنها 16 ئۆکتۆبەر نییە بەدیاریکراوی، بەڵکو "لە ڕۆژی بڕیاردان لەدیاریکردنی وادەی ئەنجامدانی ریفراندۆم هەتا ئەمڕۆیش، کە هەفتەی ڕابردوو ڕێکەوتنی نێوان پارتی و کازمی لەبارەی شەنگالەوە کرا، بەرئەنجامی ریفراندۆمن".


ڕووداوەکانی 16 ئۆکتۆبەر نزیكەی سێ هەفتە لەدوای ئەنجامدانی ڕیفراندۆمی سەربەخۆیی هەرێمی كوردستان لە (25 ئەیلولی 2017) ڕوویدا كە بەهۆیەوە لایەنە كوردییەكان (پارتی و یەكێتی) دەسەڵاتیان بەسەر ڕوبەرێكی بەرفراوانی ناوچەی جێناكۆكدا (140) لەدەستدا لەبەرژەوەندی هێزە فیدراڵییەكانی عێراق و حەشدی شەعبی لەپێش هەموویانەوە شاری كەركوك كە پێگەیەكی ستراتیژی و مێژویی هەیە، لە ئێستاشدا هۆكارەكانی ئەم پاشەكشە و نسكۆیە بووەتە کەرەستەیەکی گەورەی شەڕی میدیایی و ململانێی میدیای فەرمی و سێبەری پارتی و یەكێتی.

 

 

 

me_ga.php?id=1231