گه‌ڕان

Shadow Shadow
سیاسه‌تی

ئەوقاف جێگرەوەیەكی بۆ محەمەدی مەلا فائق شارەزوری دەستنیشان كرد

2020.10.15 - 21:26
App store icon Play store icon Play store icon
ئەوقاف جێگرەوەیەكی بۆ محەمەدی مەلا فائق شارەزوری دەستنیشان كرد

ناس کورد-

لەسەر بڕیاری ئەوقاف بۆ ئەنجامدانی نوێژی هەینی جێگرەوەیەك بۆ وتارخوێنی مزگەوتی حاجی عەباسی باراوی لە گەڕەكی قڕگەی شاری سلێمانی محەمەدی مەلا فایق شارەزووری دیاری كرا.

کەناڵی ناس کورد لە تێلیگرام جۆین بکە   

 

لە راگەیەنراوێكدا كە پەیجی فەرمی محەمەدی مەلا فائق بڵاویكردەوە (15 تشرینی یەكەمی 2020) و "ناس كورد" دیویەتی، هاتووە " بۆ سەرجەم موسوڵمانی خۆشەویست و ئەو بەرێزانەی پرسیار دەکەن دەربارەی وتاری هەینی، بەپێی بریاری ئەوقاف.. سبەینێ مامۆستا ئەکبر محەمەد لەبری مامۆستا محەمەد وتاری هەینی دەخوێنێتەوە".

 

لەبارەی دوا پێشهاتە ڕەوشی تەندروستی ناوبراویشەوە پاش توشبوونی بە كۆرۆنا، راگەیەنراوەكە جەخت دەكاتەوە "رەوشی مامۆستا زۆر باشترە و باری تەندروسی جێگیرە، هیچ حاڵەتێکی مەترسی داری لەسەرنەماوە".

پێشتر سەرپەرشتیاری سۆشیال میدیای ئەم وتاربێژە ئومێد محەمەد (10 تشرینی یەكەمی 2020) بە ناس کوردى ڕاگەیاند، "لەسەرەتای ئەم مانگەوە توشى کۆرۆنا بووە و لەئێستادا لەماڵەوەیە و چارەسەر وەردەگرێت و دواتر گوازراوەتەوە نەخۆشخانە".    

محەمەد فایەق سەعید له سالی 1971  له‌ سلێمانی له‌دایك بووه، بڕوانامه‌ی به‌كالۆریۆسی له‌ زانسته‌ ئیسلامیه‌كاندا هیناوه‌، پاشان وه‌ك مامۆستایه‌ك وانه‌ی زمانی عه‌ره‌بی و په‌روه‌ردی ئیسلامی وتووەتەوە، ‌له‌ئێستادا وتاربێژی مزگه‌وتی حاجی عه‌باسی باراویه‌ له ‌گه‌ره‌كی قرگه‌ی شاری سلێمانی.