گه‌ڕان

Shadow Shadow
سیاسه‌تی

تەندروستى جیهان ئامارى گیانلەدەستدانى منداڵانى بەهۆى برسێتییەوە ئاشکرا کرد

2020.10.15 - 13:47
تەندروستى جیهان ئامارى گیانلەدەستدانى منداڵانى بەهۆى برسێتییەوە ئاشکرا کرد

ناس کورد-

بەڕێوەبەری ڕێکخراوی تەندروستیی جیهانی ڕایگەیاند، بەهۆی لێکەوتەکانی ڤایرۆسی کۆرۆنا، پێشبینی دەکەن تاکۆتایی ئەمساڵ هەموو مانگێک (10) هەزار منداڵ بەهۆی  برسێتی و کەمی خۆراکەوە لەجیهان گیانلەدەستبدەن.

 

تیدرۆس ئەدهانۆم، بەڕێوەبەری ڕێکخراوی تەندروستیی جیهانی لەمیانەی وتارێکدا لە کۆنگرەی نەتەوە یەکگرتووەکان تایبەت بە خۆراک و کشتوکاڵ کە ناسراوەبە ( فاو) ڕایگەیاند،" پێشبینی دەکەین تا کۆتایی ئەمساڵ ڕێژەی ئەو منداڵانەی کە بەهۆی برسێتی وخراپی خۆراکەوە لەجیهاندا گیانلەدەستدەن 14%دا زیاد بکات، کەئەوەش دەکاتە نزیکەی 10 هەزار منداڵ لەهەر مانگێکدا.

 

ئەدهانۆم، ئاماژەی بەوەشکردەوە، " لەئێستادا زیاتر لەشەش ملیۆن منداڵ لەجیهاندا  بەدەست خراپی وکەمی خۆراکەوە دەناڵێنن کەبەشێکی زۆری ئەو منداڵانە لە ئەفریقیا و باشوری کیشوەری ئاسیادان".  

 

 بەڕێوەبەری ڕێکخراوی تەندروستیی جیهانی ڕاشگەیاندووە، " قەیرانی کۆرۆنا کاریگەری مەترسیداری لەسەر خزمەتگوزراییە بنەڕەتییەکان لە وڵاتە هەژارەکاندا دروست کردووە کەبریتین لە خزمەتگوزارییەکانی تایبەت بە ژنانی دووگیانی و دایکایەتی، خۆراکی منداڵان و ڕێکخستنی خێزان".

 

 ئەدهانۆم ئەوەشی وتووە، "ڕێگە نادەین دەوڵەمەندەکانی جیهان خۆراکی تەندروست وپاکیان دەست بکەوێت وهەژارەکانیش بەهۆی برسێتییەوە گیانلەدەستبدەن و فەرامۆش بکرێن".