گه‌ڕان

Shadow Shadow
سیاسه‌تی

ژنە كاندیدێك دەیەوێت بە بانگەشەی فرەژنی بگاتە پەرلەمان

2020.10.15 - 11:43
ژنە كاندیدێك دەیەوێت بە بانگەشەی فرەژنی بگاتە پەرلەمان

ناس کورد-

كاندیدێكی ژنی هەڵبژاردنە پەڕلەمانییەكەی میسر بە دروشمی فرەژنی و "مادەم پیاو توانای جەستەیی هەیە" بەردەوامە لەهەوڵی گەیشتن بە ئەنجومەنی نوێنەرانی كۆماری میسری عەرەبی.

 

بەپێی بەدواداچوونی "ناس كورد" لە میدیا و سۆشیال میدیای میسیریدا (15 تشرینی یەكەمی 2020) كاندیدەكە كە ناوی وەفا سەلاحەدینە لە بازنەی "شبین كوم" مشتومڕی زۆری دروستكردوە لە شەقامی میسری و عەرەبیدا بەهۆی ئەوەی بانگەشە بۆ فرەژنی دەكات لەژێر دروشمی "مادەم پیاو توانای جەستەیی هەیە ". هەروەها هانی ژنان دەدات فرەژنی بەئاسایی وەربگرن و دەڵێت " ئەوان بگەنە هەر پلەو پایەیەك سەرەنجام نابێ ئەوە لەبیر بكەن مێینەن".

 

لەدوا دەركەوتنیشیدا لە هەڵمەتی هەڵبژاردن ئەم كاندیدە ژنە بۆڵێك مۆزی هەڵگرتووە وەك هاندانی بەرهەمی ناوخۆیی میسر كە یەكێك لە بەرهەمەكانی مۆزی خۆماڵییە.

 

هاوشێوەی عێراق ژنانی میسر لەكۆی 568 پەڕلەمانتاری ئەنجومەنی نوێنەران رێژەی 25% ی كۆتایان هەیە، بڕیاریشە یەكەم گەڕی هەڵبژاردنی پەڕلەمان لە 21 ئەم مانگە "تشرینی یەكەمی 2020" دەست پێ بكات.