گه‌ڕان

Shadow Shadow
سیاسه‌تی

عێراق ژمارەیەكی پێوانەیی لەڕێژەی خۆكوشتن تۆمار دەكات

2020.10.15 - 11:02
App store icon Play store icon Play store icon
عێراق ژمارەیەكی پێوانەیی لەڕێژەی خۆكوشتن تۆمار دەكات

ناس کورد-

بەپێی ئامارە فەرمی و نافەرمییەكان ئەو گەنجە عێراقیە بێهیوایانەی دووچاری كێشە و تەنگەژەی زۆر هاتوون لە عێراق پەنا بۆ خۆكوشتن دەبەن و ئەمەش ڕێژەكەی لەیەك ساڵدا بردووەتە سەروو 500 حاڵەت.

 

کەناڵی ناس کورد لە تێلیگرام جۆین بکە   

راپۆرتێكی ئەلمۆنیتۆری ئەمەریكی كە "ناس كورد" بەدواداچوونی بۆ كردووە (15 تشرینی یەكەمی 2020) ئاماژە بەوە دەكات ،لەڕێکەوتى 12ى ئەیلولى ڕابردوو، کۆمسیۆنى باڵاى نەتەوە یەکگرتووەکان بۆ مافەکانى مرۆڤ ڕودانى 298 حاڵەتى خۆکوشتنى لەعێراق ڕاگەیاند کە لەماوەکانى نێوان مانگى کانوونى دووەم تا 30ى ئابى ئەم ساڵ ڕوویانداوە و ئەوەش ڕێژەیەکى بەرزە بەراورد بە هەمان ماوە لەساڵى 2003.

 

ئەوەش خراوەتە ڕوو، ئەو ژمارانە ئاماژەن بۆ بەرزبونەوەى حاڵەتەکانى خۆکوشتن لەعێراقدا وئەلمۆنیتۆری بەدواداچونى بۆ ڕاپرسیەکى حکومەت کردووە دەرکەوتووە حاڵەتەکانى خۆکوشتن لە 319 حاڵەتەوە لە ساڵى 2003 ەوە بۆ 519 حاڵەتى خۆکوشتن لەساڵى 2019 بەرزبووەتەوە و ئەو ڕاپرسیەش کە حکومەت ئامادەى کردووە هەرێمى کوردستانى نەگرتوەتەوە.

 

هەر بەگوێرەى ڕاپۆرتەکەى ئەلمۆنیتۆر، ڕاستیەکان لەوانە زۆرترە و بەهۆى ئەوەى هەندێ خێزان هەوڵى شاردنەوەى هەوڵەکانى خۆکوشتنى ئەندامەکانیان دەدەن وەکو هۆکارێک بۆ مردن ئەوەش بەهۆى دیدە کۆمەڵایەتیەکەوە کە بەچاوێکى ترەوە سەیر دەکرێت و زۆربەى حاڵەتەکانى مردنیش بەوە تۆمار کراوە کە مەرگى کتوپرە بێ ئەوەى ئاماژە بەدەستەواژەى خۆکوشتن بکرێت.

 

ئاماژە بۆ ئەوەش کراوە، گەنجانى عێراق دووچارى کێشەى گەورە بوون بەهۆى شکستى سیاسیەوە کە ڕێگرە لەگەیشتنە خەونەکانیان و بەو هۆیەوە پەنا دەبەنە بەر خۆکوشتن ئەوەش واى کردووە ببێتە دیاردەیەک وەکو لەوەى چەند حاڵەتێکى سنورداربێت کە هەڕەشە لە کۆمەڵگەى عێراقى دەکات.