گه‌ڕان

Shadow Shadow
سیاسه‌تی

ڕونکردنەوەى ئۆپراسیۆنە هاوبەشەکان لەبارەى گەڕانەوەى پێشمەرگە بۆ کەرکوک 

2020.10.15 - 09:06
ڕونکردنەوەى ئۆپراسیۆنە هاوبەشەکان لەبارەى گەڕانەوەى پێشمەرگە بۆ کەرکوک 

ناس کورد- 

وتەبێژى ئۆپراسیۆنە هاوبەشەکانى عێراق ڕایگەیاند، کۆبونەوەکەیان لەگەڵ شاندى وەزارەتى پێشمەرگە سەرکەتوو بووە و رێککەوتنە ئەمنیەکەى نێوان هەولێر و بەغداش گەڕانەوەى هێزەکانى پێشمەرگە بۆ کەرکوک لەخۆ ناگرێت.

 

ڕۆژنامەى سەباحى فەرمى لەسەر زارى لیوا تەحسین خەفاجى، وتەبێژى ئۆپراسیۆنە هاوبەشەکانى عێراق، (15ى تشرینى یەکەمى 2020) بڵاوى کردەوە "بۆ تاوتوێکردنى هەماهەنگى ئەمنیى و سەربازى لەنێوان حکومەتى فیدراڵ و حکومەتى هەرێمدا، لەگەڵ شاندێکى وەزارەتى پێشمەرگەى هەرێمى کوردستاندا کۆبونەتەوە".

 

ئاماژەى بۆ ئەوەش کرد "کۆبونەوەکە بەرهەمى هەبووە بەمەبەستى کردنەوەى ناوەندێک بۆ هەماهەنگى هاوبەش لەنێوان هەردوولادا و ڕاستەوخۆ دەستکردن بە کارى ئەمنیى و سەربازى لەناوچەکانى دیالە و دامەزراندنى ناوەندێکى هەماهەنگى ئەمنیى لەو ناوچەیەدا بۆ ڕاوەدوونانى چەکدارانى داعش". 



خەفاجى جەختى لەسەر ئەوەش کردەوە "ئەو هەوڵانە بۆ پڕکردنەوەى بۆشاییە ئەمنیەکانى نێوان هێزەکانى فیدراڵ و هێزەکانى پێشمەرگەیە کە چەکدارانى داعش فرسەتیان لێوەردەگرێت".



وتەبێژەکەى ئۆپراسیۆنە هاوبەشەکان ڕونیکردەوە "هەماهەنگیەکە لەدیالە دەستى پێکردوە و دواى سەرکەوتنیشى دەستدەکرێت بەکار لەناوچەکانى تر و لەو کۆبونەوەیەدا باس لەگەڕانەوەى هێزەکانى پێشمەرگە بۆ کەرکوک نەکراوە".