گه‌ڕان

Shadow Shadow
سیاسه‌تی

چەند بڕیارێکى نوێ لە وەزارەتى تەندروستییەوە’خەرجکردنى سەرەموچە و پلەبەرزکردنەوە’ 

2020.10.14 - 18:15
چەند بڕیارێکى نوێ لە وەزارەتى تەندروستییەوە’خەرجکردنى سەرەموچە و پلەبەرزکردنەوە’ 

ناس كورد-

وەزيرى تەندروستى عێراق ڕەزامەنديدا بە دەستپێكردنى خەرجكردنى سەرەموچە و پلە بەرزكردنەوە لە ڕۆژى شايستەبونەوە و تيمێكيش بۆ بەدواداچونى كارەكانى دابينكردنى پارچە زەوى بۆ كارمەندانى تەندروستى، پێكهێنا.

 

حەسەن تەميمى، وەزيرى تەندروستى عێراق (14ى تشرينى يەكەمى 2020) ڕايگەياند، ڕەزامەندييان داوە بە دەستپێكردنى  سەرەموچە و پلە بەرزكردنەوە لە ڕۆژى شايستەبونەوە، هەروەها لەگەڵ وەزارەتى دارايى قسەكراوە بۆ ئەوەى دەرماڵەى مەترسى بۆ ئەوانەى كە خوێندنى باڵا لە ناوەندەكانى تەندروستى تەواو دەكەن، خەرج بكرێت.

 

ڕونيشيكردوەتەوە، رێگە بە بەشى دەرمانسازى لە پەيمانگاكان دەدرێت كە خوێندنى باڵا لە بوارەكەى خۆياندا تەواو بكەن، هەروەها ڕێوشوێنەكانى كردنەوەى ناوەند و نۆرينگەكان لە كەرتى تايبەت دەگۆڕدرێن.

 

تەميمى باسى لەوەشكرد، تيمێكى مەيدانى پێكدەهێنرێت بۆ بەدواداچونى دابينكردنى پارچە زەوى بۆ سوپاى سپى (كارمەندانى كەرتى تەندروستى).