گه‌ڕان

Shadow Shadow
سیاسه‌تی

ئێران ئەنجامى دانوستانەکانى لەگەڵ عێراق ئاشکرادەکات لەبارەى پارە بلۆککراوەکانییەوە

2020.10.14 - 16:01
App store icon Play store icon Play store icon
ئێران ئەنجامى دانوستانەکانى لەگەڵ عێراق ئاشکرادەکات لەبارەى پارە بلۆککراوەکانییەوە

ناس کورد-

بەڕێوەبەرى بانکى ناوەندى ئێرانى ڕایدەگەیەنێت، لە دانوستانەکانیدا لەگەڵ عێراق سەرکەوتوو بوون لەبارەى پێنج ملیار دۆلارى بلۆککراوى وڵاتەکەى لە عێراق.

کەناڵی ناس کورد لە تێلیگرام جۆین بکە   

 

عەبدولناسر هیمەتى، بەڕێوەبەرى بانکى ناوەندى ئێران لە لێدوانێکى ڕۆژنامەنوسیدا ڕایگەیاند (14 تشرینی یەكەمی 2020)، "بەهۆى پەتاى کۆرۆنا و فشارەکانى ئەمریکاوە بارودۆخى بازاڕى دراوى قورس لەئێراندا زۆر سەختە".

 

ئاماژەى بۆ ئەوەشکردووە "بارودۆخەکە بەرەو گۆڕانکارى هەنگاو دەنێت و هەڵگرتنى کۆت و بەند لەسەر پارەکانى ئێران چاوەڕوانى ئەنجامى ئەو گۆڕانکارییانەیە".

 

بەوتەى هیمەتى، دەیان ملیار دۆلار لەپارەى داهاتى ئێرانى لەلایەن بانکە بیانیەکانەوە بلۆککراون، تەنانەت ئەو وڵاتانەشى کە پەیوەندیەکى باشیان لەگەڵ ئێراندا هەیە ناتوانن مامەڵە بەو پارانەوە بکەن بەهۆى فشارەکانى ئەمریکاوە.

 

هیمەتى باسى لەوەشکردووە "تاران لەدانوستاندایە لەگەڵ ئەو وڵاتانەى کە پارەى ئێرانى لەبانکەکانیاندا تێدا بلۆکراوە، سەردانەکەى ئەم دواییەشیان بۆ عێراق لەوچوارچێوەیەدایە و ئەنجامى دانوستانەکانیش بەرەو هەڵگرتنى کۆت و بەند لەسەر 5 ملیار دۆلارى ئێرانى لەعێراقدا ئەرێنییە".