گه‌ڕان

Shadow Shadow
سیاسه‌تی

ئەو بارگرانيیانە چین لە پلانی ’’وەرەقەی سپی’’ دەكەونە سەر فەرمانبەران؟

2020.10.14 - 12:06
App store icon Play store icon Play store icon
ئەو بارگرانيیانە چین لە پلانی ’’وەرەقەی سپی’’ دەكەونە سەر فەرمانبەران؟

ناس كورد-

پشكنەری گشتیی پێشوی وەزارەتی ناوخۆ و یاساناس جەمال ئەسەدی ستایشی گرنگیی پلانی چاكسازیی دارایی حكومەتی كازمی دەكات و سەركەوتنی دەبەستێتەوە بە "جێبەجێكردنەوە".

کەناڵی ناس کورد لە تێلیگرام جۆین بکە   

ئەسەدی لە شیكارێكدا لەبارەی پلانە 97 لاپەڕەییەكە كە ئەمڕۆ چوارشەممە (14 تشرینی یەكەمی 2020) بڵاویكردووەتەوە و "ناس كورد" بەدواداچوونی بۆ كردووە، چەند بارگرانییەكی دیاری كردووە لەكاتی جێبەجێكردنی پلانەكە كە ڕوبەڕووی فەرمانبەران و خانەنشینان دەبێتەوە لەوانەش:

 

یەکەم: کەمکردنەوەى موچە بەنزیکەى 12% بۆ 25%.

 

دووەم: لابردنى هەندێ خەرجى حکومەت بۆ پڕ کردنەوەى کورتهێنانەکان.

 

سێیەم: ڕاگرتنى پاڵپشتى سندوقى خانەنشینى لە بودجەى گشتى بە شێوەیەکی قۆناغبەندی، ئەوەش واتە پێداچونەوە و کەمکردنەوەى موچەى خانەنشینى لە داهاتویەکى نزیکدا.


چوارەم: کۆمپانیا گشتییەکان پاڵشپشتیەکانیان بەڕێژەى 30% بۆ حکومەت کەم دەکەنەوە، واتە ئەوەى حکومەت خۆى ئەو کورتهێنانە پڕ بکاتەوە ئەگینا بەو ڕێژەیە موچەى فەرمانبەران کەم دەکرێتەوە.

 

پێنجەم: وەرگرتنى پارەى کارەبا لە هەموو هاوڵاتیان بەپێى نرخى جیهانى و بەبێ پاڵپشتیکردنى حکومەت .

 

شەشەم : زیادبوونى گومرگ و باج  لەسەر شتومەکى هاوردە کراو.