گه‌ڕان

Shadow Shadow
سیاسه‌تی

تەندروستى جیهانى وادەی بەردەستبوونى ڤاکسینی كۆرۆنای ئاشكرا كرد

2020.10.13 - 13:42
App store icon Play store icon Play store icon
تەندروستى جیهانى وادەی بەردەستبوونى ڤاکسینی كۆرۆنای ئاشكرا كرد

ناس کورد-

ڕێکخراوی تەندروستیی جیهانی، پێشبینی دەکات ڤاکسینی دژە کۆرۆنا لەکۆتایی ئەمساڵ یان سەرەتای ساڵی داهاتوو بەردەست بێت.

 

کەناڵی ناس کورد لە تێلیگرام جۆین بکە   

 

تیدرۆس ئەدهانۆم، بەڕێوەبەری ڕێکخراوی تەندروستیی جیهانی (13ی تشرینی یەکەمی 2020) لەمیانەی کۆنگرەی ئەفریقا کە لەلایەن ڕۆژنامەی "فایننشیاڵ تایمز"ی ئەمریکییەوە ڕێکخراوە ڕایگەیاند "زۆر نزیکبووینەتەوە لەگەیشتن بەدروستکردنی ڤاکسینی دژبە ڤایرۆسی کۆرۆنا، پێشبینی دەکەین ڤاکسینەکە لە کۆتایی ئەمساڵ یان سەرەتای ساڵی داهاتوو بەردەست بێت".

 

هاوکات سومیە سوامیناسان، گەورە شارەزای دەستەی زانستیی ڕێکخراوی تەندروستیی جیهانی ئاماژەی بەوەداوە، "ڕێکخراوەکە لە نزیکەوە چاودێری چالاکییەکانی پەرپێدانی ڤاکسینی دژبە کۆرۆنا دەکات لەهەموو جیهاندا".

 

هەروەها گەشبینی خۆی لەبارەی بەرەوپێشچوونی تاقیکردنەوە تەختییەکانی ڤاکسینەکە لەجیهاندا نیشانداوە و ئاماژەی بەوەکردووە، "لەئێستادا 40 ڤاکسینی دژ بە ڤایرۆسی کۆرۆنا لەجیهاندا پەرەی پێ دەدرێت لەو ژمارەیەش (10) ڤاکسینیان لەئێستادا گەیشتووەتە قۆناغی کۆتایی".

 

سوامیناسان جەختیکردووەتەوە، ڕێکخراوی تەندروستیی جیهانی ئامادەیە ڤاکسینەکە پەسەندبکات کەبڕیارە لەسەرەتای ساڵی داهاتوودا بەردەست بێت.

 

لەئێستادا توشبووانی ڤایرۆسی کۆرۆنا لەجیهاندا 37 ملیۆن کەسی تێپەڕاندووە و زیاتر لە ملیۆنێک کەسیش گیانیانلەدەستداوە.