گه‌ڕان

Shadow Shadow
سیاسه‌تی

مەسرور بارزانى سەردانى ڕانیە دەکات و بەردى بناغەى پڕۆژەیەک دادەنێت

2020.10.13 - 09:02
App store icon Play store icon Play store icon
مەسرور بارزانى سەردانى ڕانیە دەکات و بەردى بناغەى پڕۆژەیەک دادەنێت

ناس کورد-

مەسرور بارزانى، سەرۆکى حکومەتى هەرێمى کوردستان سەردانى شارى ڕانیە دەکات و بەردی بناغەدی پردی دەربەندی ڕانیە، دادەنێت.

 

کەناڵی ناس کورد لە تێلیگرام جۆین بکە   

نوسینگەى ڕۆژنامەوانى سەرۆکى حکومەتى هەرێم (13ى تشرینى یەکەمى 2020) ڕاگەیەندراوێکى بڵاوکردەوە و تیایدا ئاماژەى بەوە کرد "ئەمڕۆ (سێشەممە) کاتژمێر 11:00 مەسرور بارزانی، سەرۆکی حکومەتی هەرێمی کوردستان بەردی بناغەی پردی دەربەندی ڕانیە دادەنێت .

 

بەگوێرەى راگەیەندراوەکە، پڕدی دەربەندی ڕانیە، پڕۆژەیەکی گرنگ و ستراتیجییە لە دەڤەری ڕاپەڕین کە بە گوژمەی دە ملیار و سێسەد ملیۆن دینار ئەنجام دەدرێت. ئەم پردە ئاسانکارییەکی زۆر بۆ هاتووچۆی هاووڵاتییانی دەڤەری ڕاپەڕین دەکات و لە ڕووی بازرگانیشەوە یارمەتیدەرێکی باش دەبێت بۆ جوتیارانی ئەم ناوچەیە بۆ گواستنەوەی بەروبوومەکانیان و گەیاندنی بە بازاڕەکان.

 

راگەیەندراوەکە رونیدەکاتەوە کە لەسەردانەکەیدا بۆ ئەو سنورە، سەرۆکی حکومەت ئەنجامدانی چەندین پڕۆژەی دیکەش لە سنووری دەڤەری ڕاپەڕین ڕادەگەیەنێت.

 

سەردانەکەى مەسرور بارزانى، سەرۆکى حکومەتى هەرێمى کوردستان لەکاتێکدایە کە دوێنێ (دووشەممە) لاهور شێخ جەنگى، هاوسەرۆکى یەکێتى سەردانى ناوچەکەى کرد و لەگەڵ کادیرانى حزبى و بەرپرسى یەکە ئیدارییەکانى ناوچەکە کۆبۆوە و هاوکارى ماددى نەخۆشخانەى تایبەت بە کۆرۆناى لە شارۆچکەى چوارقوڕنە کرد.