گه‌ڕان

Shadow Shadow
سیاسه‌تی

بڕیارێکى نوێ لەبارەى وەرگرتنى خوێندکار لە زانکۆکان ’’کاریگەرى لەسەر کۆنمرەی وەرگرتن دەبێت’’

2020.10.12 - 21:40
بڕیارێکى نوێ لەبارەى وەرگرتنى خوێندکار لە زانکۆکان ’’کاریگەرى لەسەر کۆنمرەی وەرگرتن دەبێت’’

ناس کورد-

 

وەزارەتى خوێندنى باڵاى و توێژینەوەى زانستى حکومەتى هەرێم بڕیارێکى نوێى دەکرد لەبارەى وەرگرتنى خوێندکاران لە کۆلێژە پزیشکییەکان کە کاریگەرى لەسەر "کەمترین کۆنمرەى وەرگرتن" دەبێت.

 

 

وەزارەتەکە  (12ى تشرینى یەکەمى 2020) لە ڕاگەیەنراوێکدا کە وێنەیەکى دەست ناس کورد کەوتووە ئاماژەى بەوەکردووە، ئەنجومەنى وەزارەت بۆ جاری دووەم بڕیاریدا بە زیادکردنى ڕێژەیەک لە کورسى خوێندن بۆ پلانی وەرگرتنی کۆلێجەکانی کۆمەڵەی پزیشکی لە زانکۆ حکومیەکانى هەرێمى کوردستان.

 

رونیشیکردووەتەوە "ئامانج لەم بڕیارەى ئەنجومەنى وەزارەت ڕەخساندنى دەرفەتى زیاترە بۆ دەرچوانی سەرکەوتوی قۆناغی ئامادەیی بۆ ئەوەی بتوانن لە کۆلێژەکانی کۆمەڵەی پزیشکی درێژە بدەن".

 

بەپێی ڕاگەیەنراوەکە "ئەم بڕیارە کاریگەری دەبێت لەسەر کەمترین کۆنمرەی وەرگرتن لە کۆلێجەکانی کۆمەڵەی پزیشکی لەبەرژەوەندی دەرچوانی پۆلی دوانزەی ئامادەیی، لەهەمان کاتدا هەنگاوێکی گرنگ دەبێت بۆ دابینکردنی پێداویستی توانا مرۆییەکانی کەرتی تەندروستی هەرێمی کوردستان".

 

وەزارەتی خوێندنی باڵا و توێژینەوەی زانستی، (10ى تشرینى یەکەمى 2020)  زانکۆلاینى بۆ دەرچووانی پۆلی 12ـی ئامادەیی کاراکرد، بەوەش پرۆسەی وەرگرتنی قوتابیان لە زانکۆ و پەیمانگەکان دەستپێکرد.

 

وەزارەتەکە پلانى داناوە بۆ ئەمساڵ زیاتر لە 54 هەزار خوێندکار وەربگرێت.