گه‌ڕان

Shadow Shadow
سیاسه‌تی

ئێران: یەكشەممەی داهاتوو شكست دێت بە ئەمەریكا

2020.10.12 - 16:26
ئێران: یەكشەممەی داهاتوو شكست دێت بە ئەمەریكا

ناس کورد-

وتەبێژی وەزارەتی دەرەوەی ئێران ڕایگەیاند، هەڵگرتنی كۆت و بەند لەسەر هەناردەی چەك بۆ ئێران سپێدەی یەكشەممەی داهاتوو (18 تشرینی یەكەم) كۆتایی دێ و ئەو ڕۆژەش "شكستی ئەمەریكایە لە جیهان".

 

سەعید خەتیب زادە لە لێدوانێكدا كە ئاژانسی ئێرنا بڵاویكردووەتەوە (12 تشرینی یەكەمی 2020) دەڵێت، لەو ڕۆژەدا شكستی هەموو هەوڵەكانی ئەمەریكا بۆ درێژكردنەوەی گەمارۆی چەك دەردەكەوێت كە بەپێی بڕیاری 2231ی ئەنجومەنی ئاسایش سەپێنراوە و ڕۆژەكەش ساڵیادی مۆركردنی ڕێككەوتننامەی ئەتۆمییە (بەرجام).


ئیدارەی ترەمپ پێشنیازی كردبوو سزاكانی سەر ئێران لە بواری چەك درێژ بكرێتەوە، بەڵام ئەم داوایە ڕەزامەندی وڵاتانی تری ئەندامی بەدەست نەهێنا بەهۆی ئەوەی ئەمەریكا تاكلایەنە كشاوەتەوە لە ڕێككەوتننامەی ئەتۆمی.