گه‌ڕان

Shadow Shadow
سیاسه‌تی

دوای چاكبوونەوەش لەكۆرۆنا هەندێك نیشانەی بێزاركەرو درێژخایەن دەمێننەوە

2020.10.12 - 00:00
App store icon Play store icon Play store icon
دوای چاكبوونەوەش لەكۆرۆنا هەندێك نیشانەی بێزاركەرو درێژخایەن دەمێننەوە

ناس كورد-

بەگوێرەی راپۆرتێكی رۆژنامەی واشنتۆن پۆستی ئەمریكی، دوای چاكبوونەوەشیان بەشێك لە تووشبووانی كۆرۆنا، هێشتا هەست بە نیشانەی بێزاركەرو درێژخایەن دەكەن و ئەوەش نیگەرانی لای پزیشكان دروست كردوە.

 

کەناڵی ناس کورد لە تێلیگرام جۆین بکە   

لێكۆڵینەوە سەرەتاییەكان دەریانخستوە، ئەوانەی لە كۆرۆنا چاكبوونەتەوە، هێشتا نیشانەكانی وەك هەستكردن بە ماندوێتی، تەنگەنەفەسی، سەرئێشە، كەمخەوی، ئازاری سنگ و جومگە، كۆكەو لەدەستدانی هەستی تام و بۆن لەگەڵ سوربونەوەی جەستەو تایان دەمێنێت، بەڵام كەمتریان هەست بە نیشانەكانی وەك تێكچونی بیستن دەكەن.

 

بەگوێرەی لێكۆڵینەوەیەكی فەرەنسی یەك لەسەر سێی ئەو تووشووانەی چاكبوونەتەوە دوای 60 رۆژ لە چاكبوونەوەیان لانیكەم هێشتا هەستیان بە نیشانەیەك لە نیشانەكان كردوە.

 

بەگوێرەى لێكۆڵینەوەیەکى بەریتانیش، دەركەوتوە لەسەدا 87ی تووشبووانی كۆرۆنا دوای چاكبوونەوەیان هێشتا هەستیان بە بونی نیشانەیەكی درێژخایەن كردوە، بەتایبەت ماندوێتی و تەنگەنەفەسی. بەڵام بەشدارانی ئەو لێكۆڵینەوەیە بەساڵاچوان بون كە نیشانەی توندیان هەبوە لەكاتی توشبوونیاندا بە پەتاكە.

 

لێكۆڵەران پێیانوایە هەستكردن بەو نیشانانە دوای چاكبونەوە لە نەخۆشییە ڤایرۆسییەكان، شتێكی نامۆ نییە، چونكە دوای چاكبونەوە لە بەشێكی زۆری ئەو نەخۆشیانە لەوانەی هەوكردنی ڤایرۆسیی جگەر و تەنانەت ئەنفلۆنزای ئاساییش، مانەوەی نیشانەكان لە هەندێك كاتدا بونیان هەبوە.