گه‌ڕان

Shadow Shadow
سیاسه‌تی

دادگای دەستوری ڕەخنە لە پێشێلكردنی مافی دوو رۆژنامەنووسی توركیا دەگرێت

2019.05.03 - 18:52
App store icon Play store icon Play store icon
دادگای دەستوری ڕەخنە لە پێشێلكردنی مافی دوو رۆژنامەنووسی توركیا دەگرێت

کەناڵی ناس کورد لە تێلیگرام جۆین بکە   

ناس كورد- بەرزترین دەستەی دادوەری لە توركیا جەخت لەسەر ئەوە دەكاتەوە، دەسەڵاتدارانی توركیا مافی مرۆیی دوو ڕۆژنامەنووسیان پێشێلكردووە، كە لە دوای كودەتا شكستخواردووەكەی ساڵی 2016 ڕەخنەیان لە رەجەب تەیب ئەردۆغان، گرتووە. . دادگای دەستوری لە راگەیەندراوێكدا ئاماژە بەوە دەكات، مافی ئازادی ڕادەربڕین و پارێزراوی تاكە كەسی هەردوو ڕۆژنامەنووس قدری غورسیل و موراك ئەكسۆی، پیشێلكراوە. . غورسیل كە لەدوای كودەتا شكستخواردووەكەی 2016 نزیكەی ساڵێك لە زینداندا بوو، لەگەڵ ژمارەیەك لە هاوڕێ رۆژنامەنووسەكانی لە (جمهورییەت) یەكێك لە رۆژنامە ناوازەكانی ئۆپۆزسیۆنی سیاسەتەكانی ئەردۆغان كە تائێستاش دەردەچێت، تۆمەتبار كرا بە هاوكاریكردنی "رێكخراوە تیرۆریستییەكان" و دادگایی كرا و ئەمەش وەك ئاماژەیەكی مەترسیدار بۆ ئازادی رۆژنامەگەریی لە توركیا تەماشا كرا. . غورسیل لەگەڵ ئەوەی لەئێستادا دەستبەسەر نییە، بەڵام هەفتەی رابردوو لەپاش ئەوەی دادگای تێهەڵچوونەوە سزای سەپێنراوی بەرامبەریان سەلماند، پێنج لە هاوكارەكانی پێشووی لە رۆژنامە لەنێویاندا موسا كارت-ی كاریكاتێریست، زیندانی كرانەوە. . هەروەها ئەكسۆی بەهەمان شێوە لەدوای هەوڵی كودەتاكەوە دەستبەسەر كرا و لەمانگی مارسدا سزای زیندانیكردنی بۆ ماوەی دوو ساڵ بەسەردا سەپێنرا. . بەگوێرەی ئاژانسی هەواڵی فرانس پرێس-یش، ئەمڕۆ (هەینی) دادگا دۆسیەی سێ‌ رۆژنامەنووسی دیكەی توركیا لەو بارەیەوە گفتوگۆ دەكات. . ئەم دۆسیەیە بۆ كۆتایی ساڵی 2016 دەگەڕێتەوە كە نزیكەی 20 لە رۆژنامەنووسەكانی دەستبەسەركران و بووە نموونەیەك لەبارەی پاشەكشەی ئازادی رۆژنامەگەریی لە توركیا. . بەگوێرەی رێكخراوی پەیامنێرانی بێسنوور، توركیا لە ریزبەندی ئازادی رۆژنامەگەریدا لەكۆی 180 پلەدا، لە پلەی 175 دایە. . ئەمساڵیش (2019) لە پۆلێنی ساڵانەی ڕێكخراوی نێودەوڵەتی “پەیامنێرانی بێسنوور”بۆ ساڵی 2019، ئازادی ڕۆژنامەوانی لە بەشێك لە وڵاتە پێشكەوتووەكانی جیهاندا پاشەكەشی كردووە، توركیاش 33 پلە لە لیستەكەدا دابەزیوە. .