گه‌ڕان

Shadow Shadow
سیاسه‌تی

پەکەکە: ئەو فەرماندەیەی ئێزدییەکانی ڕزگار کرد شەهید کرا

2020.10.11 - 12:42
App store icon Play store icon Play store icon
پەکەکە: ئەو فەرماندەیەی ئێزدییەکانی ڕزگار کرد شەهید کرا

ناس کورد-

فەرماندەیی بڕیارگەی ناوەندی پاراستنی گەل "نەپەگە" گیانلەدەستدانی فەرماندەیەکی سەربازیی ئاشکراکرد کە لە شەری شنگال بەشداری کردووە و دەڵێت، "ئەو ئێزدییەکانی لە کۆمەڵکوژی شنگال ڕزگار کردووە". 

کەناڵی ناس کورد لە تێلیگرام جۆین بکە   

 

لە ڕاگەیەنراوەکەی نەپەگەی سەر بە پارتی کرێکارانی کوردستان (11ی تشرینی یەکەمی 2020) ڕاگەیاند، "عەگید جڤیان، فەرماندەی هەرێمی بۆتان لەگەڵ دوو گەریلای دیکە بە ناوەکانی “هەبوون و جانفەدا” ڕۆژی 11ی ئەیلولی ئەمساڵ" لە شەڕێکدا لە ناوچەى ماسیرۆ سەربە ناوچەی شاخێی وان کوژراون.

 

لە ڕاگەیەندراوەکەی نەپەگەدا هاتووە: "هێرشە داگیرکەرییەکەی دەوڵەتی تورک بەرەبەیانی ڕۆژی 11ی ئەیلول وەکو هەموو جارێک بە هێرشی ئاسمانی دەستیپێکرد، لەم هێرشەدا زیانێک بە هێزەکانمان نەگەیشت، ئەو چالاکییە شۆڕشگێڕییە کە کاتژمێر 6:30ی خولەکی بەیانی دەستیپێکرد، لە ئەنجامی ئەو چالاکییەدا 10 داگیرکەر سزادران، کە پێنجیان فەرماندەی باڵای ناوەندی فەرماندەیی و کۆنترۆڵی هێزی داگیرکەری تورک بوون، هێزەکانی گەریلا بە فەرماندەیی هەڤاڵ عەگید سەرکەوتووانە پێگەکانی دووژمنیان لەناوبرد، بەڵام دووژمن بە هێلیکۆپتەری کوبرا و ئامێرە ئاسمانییەکانی دیکە دەستێوەردانی کرد و شەڕ گەیشتە لوتکە، لەو چالاکییە مێژووییەدا کە بووبە داستانێکی ڕاستەقینەی قارەمانێتی، فەرماندەی هەرێمی بۆتان ‘عەگید جڤیان’، فەرماندەی تیم ‘جانفەدا گۆیی’ و فەرماندەی تیم ‘هەبوون گرێسپی’ شەهید بوون."