گه‌ڕان

Shadow Shadow
سیاسه‌تی

هیچ قوتابخانەیەک ناکرێتەوە

پەروەردەی ڕۆژئاوای سلێمانی بایکۆتی دەوامی ڕاگەیاند

2020.10.11 - 11:05
App store icon Play store icon Play store icon
پەروەردەی ڕۆژئاوای سلێمانی بایکۆتی دەوامی ڕاگەیاند

ناس کورد-

بەڕێوەبەری بەڕێوەبەرایەتیی پەروەردەی ڕۆژئاوای سلێمانی ڕایگەیاند، کارمەندەکانیان بایکۆتی دەوامیان کرد و دەشڵێت، دەوامی پۆلی یەک و دووی بنەڕەتی لە هیچ قوتابخانەیەکی سلێمانی ناکرێت.

کەناڵی ناس کورد لە تێلیگرام جۆین بکە   

 

بەکر محەمەد، بەڕێوەبەری پەروەردەی ڕۆژئاوای سلێمانی بە ناس کوردی ڕاگەیاند: "دوای ئەوەی لە سێشەممەی ڕابردووەوە کارمەندانی بەڕێوەبەرایەتیی گشتیی پەروەردەی سلێمانی بایکۆتی دەوامیان ڕاگەیاند، کارمەندانی ئێمەش وەک بەڕێوەبەرایەتیی پەرەوەردەی ڕۆژئاوا بایکۆتی دەوامیان کرد."

 

وتیشی: "بایکۆتکردنەکە بەهۆی دواکەوتن و نەدانی موچەوەیە و چاوەڕوان دەکرێت بە هاتنی موچە بگەڕێنەوە بۆ دەوام، ئێمەش بەهەموو شێوەیەک پشتگیریان دەکەین و مافی خۆیانە و داوای مافی خۆیان دەکەن."

 

سەبارەت بە دەوامکردن لە قوتابخانەکاندا، بەڕێوەبەری پەروەردەی ڕۆژئاوا ئاماژەی بەوەکرد: "نزیکەی %85ی قوتابیانی پۆلی 12 دەوام دەکەن، بەڵام هیچ قوتابییەکی پۆلی یەک و دووی بنەڕەتی کە دوێنێ دەوامیان دەستی پێکرد، لەسنوری سلێمانی دەوام ناکەن."

 

باسی لەوەشكرد، هەتاوەکو موچە دابەش نەکرێت و وەڵامی داواکاری مامۆستایان نەدرێتەوە، ئەم دۆخە و بایکۆتی مامۆستایان بەردەوام دەبێت.