گه‌ڕان

Shadow Shadow
سیاسه‌تی

داوای لێبوردن دەکات

محەمەدی مەلا فایەقی شارەزووری گوازرایەوە بۆ نەخۆشخانە

2020.10.11 - 10:45
App store icon Play store icon Play store icon
محەمەدی مەلا فایەقی شارەزووری گوازرایەوە بۆ نەخۆشخانە

ناس کورد-

دوای چەند ڕۆژێک لە توشبوونی بە ڤایرۆسی  کۆرۆنا، محەمەد مەلا فایەق شارەزووریی بانگخواز و وتارخوێن ڕایگەیاند، گوازراوەتەوە بۆ نەخۆشخانە و داوای لێبوردن لەو کەسانە دەکات کە دەیانەوێت سەردانی بکەن.

کەناڵی ناس کورد لە تێلیگرام جۆین بکە   

 

لە ڕوونکردنەوەیەکدا لە هەژماری فەرمیی لە فەیسبوک، محەمەد مەلا فایەق شارەزووری (یەکشەممە،11ی تشرینی یەکەمی 2020 بڵاویکردوەتەوە: " بەهۆی ئەوەی پزیشکە بەرێزەکانم بەباشیان زانی من بگوازرێمەوە بۆ نەخۆشخانە و لەنزیکەوە لەژێر چاودێریاندابم، بەباشیان زانیوە لەئیستادا سەردانی کردنم نەبێت."

 

ئاماژەی بەوەشكردووە: " سوپاس بۆ خودای تاک و تەنها، کە تەنها خۆی شیفادەری بەندەکانیەتی، پاشان سوپاسی سەرجەم  ئەو کەسایەتیە بەڕێزانە دەکەم کە برای بچوکی خۆیان بیر بووە لەهەموو چین و توێژەکان، گەورەییان نواندووە پەیوەندیان کردووە یان ویستویانە سەردانم بکەن، بە گەورەیی خۆیان لێمان ببورن."

 

دوێنێ سەرپەرشتیاری بەرهەمەکانی محەمەدی مەلا فایەقی شارەزوری ڕایگەیاند، دۆخى تەندروستى ئەو مامۆستا ئاینییە جێگیرە.  

  

ئومێد محەمەد (10 تشرینی یەكەمی 2020) بە ناس کوردى ڕاگەیاند، "مامۆستا محەمەد هەشت ڕۆژە توشى کۆرۆنا بووە و لەئێستادا لەماڵەوەیە و چارەسەر وەردەگرێت".  

  

وتیشى، "لەئێستادا دۆخى تەندروستى جێگیرە و نیشانەى پەتاکەى وەک تا و کۆکە و تەنگەنەفەسی نەماوە و هیچ کێشەیەکی نییە".  

  

ئومێد محەمەد باسى لەوەشکرد، محەمەدی مەلا فایەقی شارەزوری لەو کاتەوە کە تووشى کۆرۆنا بووە یەکجار براوەتە نەخۆشخانە، ئەویش بۆ مەبەستى ئەنجامدانى پشکنینى پزیشکى.  

  

محەمەد فایەق سەعید له سالی 1971  له‌ سلێمانی له‌دایك بووه، بڕوانامه‌ی به‌كالۆریۆسی له‌ زانسته‌ ئیسلامیه‌كاندا هیناوه‌، پاشان وه‌ك مامۆستایه‌ك وانه‌ی زمانی عه‌ره‌بی و په‌روه‌ردی ئیسلامی وتووەتەوە، ‌له‌ئێستادا وتاربێژی مزگه‌وتی حاجی عه‌باسی باراویه‌ له ‌گه‌ره‌كی قرگه‌ی شاری سلێمانی.