گه‌ڕان

Shadow Shadow
سیاسه‌تی

یەکێتى مامۆستایان: بایکۆت سنورى سلێمانى تێپەڕاند

2020.10.10 - 11:40
App store icon Play store icon Play store icon
یەکێتى مامۆستایان: بایکۆت سنورى سلێمانى تێپەڕاند

ناس کورد-

بەرپرسێکى یەکێتى مامۆستایانى کوردستان ڕایگەیاند، لە سەرجەم قوتابخانەکانى سنورى پارێزگاى سلێمانى و گەرمیان و ڕاپەڕین بایکۆتى دەوام کراوە و تەنانەت گەیشتووەتە سنورى پارێزگاى دهۆکیش.

کەناڵی ناس کورد لە تێلیگرام جۆین بکە   

 

وەزارەتى پەروەردە، ئەمڕۆى وەک وادەى دەستپێکردنى خوێندنى قۆناغەکانى یەک و دوو بنەڕەتی دیاریکردووە، بەڵام تەنها قوتابخانەکانى سنورى پارێزگاکانى دهۆک و هەولێر کرانەوە.

 

دڵشاد مەجید، سەرۆکى لقى سلێمانى یەکێتى مامۆستایانى کوردستان بە ناس کوردى ڕاگەیاند، "ئەمڕۆ بایکۆتى گشتى بوو لەسەرجەم قوتابخانەکانى سنورى پارێزگاى سلێمانى و گەرمیان و ڕاپەڕین و دەرگاى هیچ قوتابخانەیەک نەکراوەتەوە".

 

وتیشى، "تەنانەت بایکۆت گەیشتووتە سنورى زاخۆ و ئاکرێ لەوێش قوتابخانە هەبووە بایکۆتى کردووە".

 

دڵشاد مەجید باسى لەوەشکرد، ئەوان سورن لەسەر داواکارییەکانیان کە پێدانى موچەیە لەوادەى خۆیدا بە مامۆستایان، وەک مەرجى کردنەوەى دەگاى قوتابخانەکان.

 

جەختیشیکردەوە، تا پێنج رۆژى دیکە چاوەڕوانى حکومەت دەکەن وەڵامى داواکارییەکانیان بداتەوە، ئەگینا تاوتوێی بڕیارى دیکە دەکەن.

 

ناس کورد پەیوەندیکرد بە وتەبێژى وەزارەتى پەروەردەوە، بەڵام ئامادەنەبوو هیچ لێدوانێک لەو بارەیەوە بدات.