گه‌ڕان

Shadow Shadow
سیاسه‌تی

جیهان ئاستێکی پێوانەیی لە کۆرۆنا تۆمار کرد

2020.10.10 - 09:19
App store icon Play store icon Play store icon
جیهان ئاستێکی پێوانەیی لە کۆرۆنا تۆمار کرد

ناس کورد-

ڕێکخراوى تەندروستیی جیهانى تۆمارکردنى بەرزترین ئامارى توشبوونى بە ڤایرۆسى کۆرۆنا لە جیهان و ئەوروپا ڕاگەیاند.

کەناڵی ناس کورد لە تێلیگرام جۆین بکە   

 

ڕێکخراوەکە لە دوایین بڵاوکراوەیدا ئاماژەى بەوەکردووە، دوێنێ زیاتر لە 350 هەزار توشبوو لە جیهان تۆمارکراوە، ئەوەش زیاترە لە ژمارەى پێوانەیی پێشوو کە هەفتەى ڕابردوو تۆمارکرابوو بە نزیکەى 120 هەزار توشبوو.

 

ئاماژەى بەوەشکردووە، ژمارەى توشبوانى کۆرۆنا لە ئەوروپا بۆ یەکەمجار گەیشتووەتە سەرووى 100 هەزار توشبوو لە ڕۆژێکدا و 109 هەزار و 749 توشبوو تۆمارکراوە.

 

مایکل ڕایان، سەرۆکى بەشى فریاگوزاریی ڕێکخراوەکە دەڵێت، سەرەڕاى داواکانیان لە وڵاتان بۆ دورکەوتنەوە لە داخستنى گشتى کە ئابورى دادەڕوخێنێت، پێویستە حکومەتەکان گرەنتى پاراستنى ئەو کەسانە بکەن کە لاوازن و رێوشوێنى پێویست بگرنەبەر.

 

لەئێستا (10ی تشرینی یەکەمی 2020) زیاتر لە 37 ملیۆن و 119هەزار توشبووی کۆرۆنا لە جیهاندا تۆمار کراون، لەو ژمارەیە 27 ملیۆن و 902 هەزاریان چاکبوونەتەوە و یەک ملیۆن و 70 هەزاریشیان بەهۆی ڤایرۆسەکەوە گیانیانلەدەستداوە.