گه‌ڕان

Shadow Shadow
سیاسه‌تی

خوێندنی باڵا کاتی کاراکردنی زانکۆلاینی ئاشكراکرد

2020.10.09 - 23:05
App store icon Play store icon Play store icon
خوێندنی باڵا کاتی کاراکردنی زانکۆلاینی ئاشكراکرد

ناس کورد-

وەزارەتی خوێندنی باڵا و توێژینەوەی زانستی ڕایگەیاند، سبەینێ شەممە کاتژمێر 12:00ـی نیوەڕۆ زانکۆلاین بۆ دەرچووانی پۆلی 12ـی ئامادەیی کارادەکرێت و پرۆسەی وەرگرتنی قوتابیان لە زانکۆ و پەیمانگەکان دەستپێدەکات و ئاشکراشیکرد بۆ ئەمساڵ زیاتر لە ٥٤ هەزار خوێندکار وەردەگرن.  

کەناڵی ناس کورد لە تێلیگرام جۆین بکە   

 

بەگوێرەی ڕاگەیەندراوێکی وەزارەتی خوێندنی باڵا و توێژینەوەی زانستی، لە سبەینێوە ڕۆژى شەمە كه‌ ده‌كاته‌ ڕێكه‌وتی (١٠/١٠/٢٠٢٠) له‌ کاتژمێر (١٢)ی نیوەڕۆ وێبسایتی (www.regayzanko.com) بۆ دەرچوانی دوانزەی ئامادەیی تا کاتژمێر (١٢)ى شەوی (١٩/١٠/٢٠٢٠) واتە بۆ ماوەى (١٠) ڕۆژ کارا دەکرێت و ده‌رچوانی پۆلی (١٢)ی ئاماده‌یی لەو ماوەیە ده‌توانن فۆرمی وه‌رگرتن له‌ زانكۆ و په‌یمانگه‌كان پڕبكه‌نه‌وه‌و پێشكه‌شی بكه‌ن.

 

ئاماژەی  بەوەشكردووە، هه‌روه‌ك ده‌رچوان ده‌بێ بەبەكارهێنانی هەمان ناوى بەکارهێنەرو وشەى تێپەڕ (یوزەرنەیم و پاسۆرد) كە پێشتر له‌ خوێندنگەکانیان وه‌ریانگرتۆته‌وه‌ ده‌توانن فۆرمی وه‌رگرتن پڕبكه‌نه‌وه‌، بۆ خوێندنى تایبەتیش، زانکۆ و پەیمانگا تایبەتەکان دەتوانن فۆڕم بەسەر خوازیاران لەخوێندنى تایبەت دابەش بکەن.

 

لەڕاگەیەندراوەکەدا ئەوەش هاتووە، سەبارەت بەپلانى وەرگرتن بۆ خوێندنى ئەمساڵ بەهەر سێ سیستەمى خوێندنى (گشتى، پارالێڵ، ئێواران)، لە زانکۆ حکومیەکان بریتییە لە (٥٤٥٣٧) کورسى، کە بۆ یەکەمجارە لە مێژووى وەرگرتن لەهەرێمى کوردستان پلانى وەرگرتن بگاتە ئەو ژمارەیە،  هاوکات پلانى داواکراوى زانکۆ و پەیمانگا تایبەتەکانى هەرێمى کوردستان بریتیە لە (٢٧٦٣٠)کورسى خوێندن.

 

ئاماژە بەوەشکراوە، سەبارەت بەژمارەى دەرچووانى پۆلی دوانزەى ئامادەیى کە ناوەکانیان لە وەزارەتى پەروەردە بۆ وەزارەتى خوێندنى باڵا و توێژینەوەى زانستى ڕەوانە کراوە بریتیە لە: (٧٢٢٦٤) دەرچو، کە (٤٦٢٨٨) دەرچوى زانستى و(٢٤٣٧٩) دەرچوى وێژەیی و (١٦٣٧) دەرچوى بەشە پیشەییەکانن، سەرەڕاى ژمارەیەکى زۆرى دەرچوانى ساڵى رابردو کە لەهیچ شوێنێک ناویان دەرنەچوە ئەمانەش مافى پێشکەش کردنیان هەیە کە سیستمەکە ڕێگەى پێشکەش کردنیان پێدەدات.