گه‌ڕان

Shadow Shadow
سیاسه‌تی

قسەی فەرهاد پیرباڵ لەبارەی نوێژكردن لەسەر مەهاباد قەرەداغی

2020.10.09 - 20:07
App store icon Play store icon Play store icon
قسەی فەرهاد پیرباڵ لەبارەی نوێژكردن لەسەر مەهاباد قەرەداغی

ناس کورد-

فەرهاد پیرباڵ ڕەخنەی توندی  لە نوێژکردنی مردوو لەسەر تەرمی مەهاباد قەرەداغی گرت بەو پێیەی خۆی بڕوای پێی نەبووە. 

کەناڵی ناس کورد لە تێلیگرام جۆین بکە   

 

لەوبارەیەوە فەرهاد پیرباڵ، نوسەری کورد و مامۆستای زانكۆ لە هەژماری خۆی لە فەیسبوک نووسیویەتی: "ئاخر مەهاباد قەرەداغی بۆخۆی دینی ئیسلامی قبوڵنەبوو، دژایەتی دەکرد، بەدواکەوتوو و کۆنە پەرستی دادەنا، کەچی بەزۆر دەیانەوێ بیکەنە موسڵمانی عەیار 24."

 

پاش توشبوونی بە ڤایرۆسی کۆرۆنا، ئەمڕۆ هەینی (9ی تشرینی یەکەمی 2020) مەهاباد قەرەداغی، خانمە نوسەر و شاعیری کورد کۆچی دوایی کرد، وەک زۆر پرسی دیکە ئەو بابەتەش بەکارهێنەرانی تۆڕە کۆمەڵایەتییەکانی لە هەرێم کرد بە دوو بەشەوە.  

 

ەشێک لە هاووڵاتیان، لە تۆڕەکۆمەڵایەتییەکان دڵخۆشی خۆیان بە گیانلەدەستدانی، مەهاباد قەرەداغی دەردەبڕن و پێیانوایە، ناوبراو "دژی ئایینی ئیسلام کاری کردووە و ئایینی ئیسلامی ڕەتکردووەتەوە."  

  

هەندێکی دیکەش، بە کۆچی دوایی کردنی ئەو خانمە نوسەرە خەمبارن و پێیانوایە "هەموو کەس ئازادە لە بیروباوەڕی تایبەت بە خۆی" و مەهاباد قەرەداغی بە نوسەر و ساعیرێکی ئازادیخواز ناودەبەن.  

  

مەهاباد قەرەداغی لە ساڵی 1966 لە شارۆچکەی کفری لەسنوری گەرمیان لەدایکبووە، لە ساڵی 1978 لە تەمەنی 12 ساڵییەوە دەستی بە نووسینی شیعر کردووە، ساڵی 1980 دا یەکەمین بەرهەمی شیعری بڵاوکراوەتەوە.