گه‌ڕان

Shadow Shadow
سیاسه‌تی

پۆلیسى سلێمانى: هەر کەس زانیارى لەبارەى ئەم کەسەوە هەیە پەیوەندیمان پێوە بکات

2020.10.09 - 08:27
پۆلیسى سلێمانى: هەر کەس زانیارى لەبارەى ئەم کەسەوە هەیە پەیوەندیمان پێوە بکات

ناس کورد-

بەڕێوەبەرایەتى پۆلیسى سلێمانى ئاگادارییەکى بڵاوکردەوە و تیایدا وێنەى هاووڵاتییەکى بڵاوکردۆتەوە و داوا دەکات هەر کەس زانیارى لەبارەوە هەیە پەیوەندى بکات بە بنکەى پۆلیسى کوردسات یان نەخۆشخانەى شار.

 

لە راگەیەندراوەکەدا ئاماژە بەوە کراوە، سەر لەئێوارەى (8ى تشرینى یەکەمى 2020) لەڕوداوێكدا هاووڵاتییەك بەسەختی بریندار بوو (ماتۆرسكیلێكی پێبووەو ئۆتۆمبێلێك خۆی پیادا كێشاوە)، دوای گەیشتنی هێزەكانی پۆلیس و تیمە فریاگوزارییەكان هاووڵاتیەكە بۆ نەخۆشخانە گواسترایەوە، بەڵام بەهۆی ئەوەی ئەو هاووڵاتییە هیچ ناسنامەو پێناسێكی پێ نییە نەناسراوەتەوە، لەئێستاشدا هاووڵاتییە بریندارەكە باری تەندروستی ناجێگیرەو پێویستی بەنەشتەرگەری خێرا هەیە.

 

پۆلیسى سلێمانى لە راگەیەندراوەکەدا داوا لەهاووڵاتیان دەکات هەر كەسێك ئەو هاووڵاتییە دەناسێتەوە یان كەسوكارەكەی دەناسێت ڕاستەوخۆ پەیوەندی بكات بەبنكەی پۆلیسی كوردسات یاحود نەخۆشخانەی شار لەسلێمانی.