گه‌ڕان

Shadow Shadow
سیاسه‌تی

وەزارەتى تەندروستى لەسەر ڤیدیۆی فڕێدانى دەمامکەکان هاتە دەنگ 

2020.10.08 - 14:42
App store icon Play store icon Play store icon
وەزارەتى تەندروستى لەسەر ڤیدیۆی فڕێدانى دەمامکەکان هاتە دەنگ 

ناس کورد- 

بەرپرسێکى باڵا لەوەزارەتى تەندروستى ڕایگەیاند، ئەو گەشتیارانەى لەڕێوڕەسمى چلەى ئیمام حوسێندا هانى خەڵکى دەدەن بۆ پابەند نەبوون بەڕێنمایە تەندروستیەکانەوە دەبێت دەستگیر بکرێن و تاوانیان ئەنجامداوە بەزیانى تەندروستى گشتى.

 

کەناڵی ناس کورد لە تێلیگرام جۆین بکە   

ڕیاز عەبدولئەمیر بەڕێوەبەرى گشتى لەوەزارەتى تەندروستى بەئاژانسى فەرمى عێراقى ڕاگەیاند، تیمە تەندروستى و چاودێرییەکانى سەر بەوەزارەتەکەیان بۆیان دەرکەوتووە زۆربەى گەشتیارانى ڕێوڕەسمى چلەى ئیمام حوسێن پابەند نابن بە ڕێنماییەکانى شانەى قەیرانەکانەوە بەتایبەت ئەوەى پەیوەندى بەبەستنى دەمانک و لێک دوورى کۆمەڵایەتیەوە هەیە.

 

ئاماژەى بۆ ئەوەش کردووە، خەڵکانێک هەن لەیادەکەدا هانى خەڵکى گەشتیاران دەدەن دەمامکەکانیان فڕێ بدەن دەبێت ئەوانە دەستگیربکرێن چونکە بەشدارى لەتەشەنەسەندنى پەتاکەدا دەکەن.

 

وتەکانى ئەو بەرپرسەى وەزارەتى تەندروستى بەدواى ئەوەدا هات کە بەدەیان زیارەتکارى شارى کەربەلا بەر لەوەى بەشدارى لە چلەى (شەهیدکردنی ئیمام حسێن) بکەن دەمامکەکانیان فڕێدا.  

  

لە گرتەیەکى ڤیدیۆیدا کە لە تۆڕە کۆمەڵایەتییەکان بڵاوکراوەتەوە کەسێک دەبینرێت کە لەناوەندى زیارەتکاراندا ڕاوەستاوە و داوایان لێدەکات دەمامکەکانیان فڕی بدەن و دەڵێت "دەمامکەکەت فڕێ بدە و برۆ بەرەو حسێن با ببینین چۆن تووشى کۆرۆنا دەبیت!".  

  

دەشڵێت "خۆشبەختى بۆ ئەو کەسەى لە پێناوى حسێندا دەمرێت، ئئمە شیعەمان پێ دەوترێت و شێتین. دەمامکەکەت فڕی بدە و بچۆ بەرەو حسێن.من ناڵێم ئێمە دژى فەتواکانى پیاوانى ئاینین بەڵام قورسە بە سەیدە فاتیمە بڵێیت (ئێمە ترسنۆکین)".