گه‌ڕان

Shadow Shadow
سیاسه‌تی

ئەو کچە خوێندکارەى کە بووە یەکەمى عێراق.. کێیە و خەڵکى چ شارێکە؟ 

2020.10.07 - 23:09
App store icon Play store icon Play store icon
ئەو کچە خوێندکارەى کە بووە یەکەمى عێراق.. کێیە و خەڵکى چ شارێکە؟ 

ناس کورد-

کچە خوێندکارێکی ئیزدی لە ناحیەی سنوونێ سەر بە قەزای شەنگال توانی لە تاقیکردنەوە گشتییەکانی قۆناغی ئامادەیی بەشی زانستی، پلەی یەکەم بەدەستبهێنێت لەسەر ئاستی عێراق.

 

کەناڵی ناس کورد لە تێلیگرام جۆین بکە   

بەگوێرەی هەواڵێکی ڕۆژنامەی "مەدا"ی عێراقی (7ی تشرینی یەکەمی 2020) هیبە قاسم حەسەن، کە کچە خوێندکارێکی کوردی ئیزدییە و دانیشتووی ناحییەی سنوونێ سەر بەقەزای شەنگالە توانیویەتی لە تاقیکردنەوە گشتیەکانی قۆناغی ئامادەیی بەشی زانستی پلەی یەکەم لەسەرئاستی عێراق بەدەست بهێنێت، بەجۆرێک تێکرای نمرەکانی 100% بووە".

 

ئاماژە بەوەشکراوە،هیبەی تەمەن 19 ساڵ، لەساڵی 2014دا بەهۆی شاڵاوەکانی ڕێکخراوی داعش ناچار بووە لەگەڵ خێزانەکەی ئاوارەی کەمپەکانی هەرێمی کوردستان ببێتەوە.

 

 بەگوێرەی ڕۆژنامەکە هیبە وتویەتی "دۆخی نالەباری ژیانی لەکەمپەکان و بڵاوبوونەوەی ڤایرۆسی کۆرۆنا بەهیچ شێوەیەک ورەی دانەبەزاندووە وڕێگر نەبووە لە بەدیهێنانی ئاواتەکەی لە بەدەستهێنانی نمرەیەکی بەرز".