پاشای تایلەند لەگەڵ پاسەوانێکى خۆیدا هاوسەرگیری کرد

کەناڵی ناس کورد لە تێلیگرام جۆین بکە   

ناس کورد- پاشای تایلەند هاوسەرگیری لەگەڵ جێگری سەرۆکى پاسەوانە تایبەتەکانى خۆیدا کرد و نازناوی شاژنی پێ بەخشی. بەپێی ڕاگەیەندراوێکى کۆشکی پاشایەتى تایلەند، دوێنێ چوارشەممە (1ی ئایاری 2019)، مەها ڤاجیرالۆنگکۆرنی تەمەن 66 ساڵ هاوسەرگیری لەگەڵ جەنەڕاڵ سوسیدای تەمەن 40 ساڵ کردووە و نازناوی شاژنی پێبەخشراوە و لەئێستادا یەکێکە لە خێزانى شاهانە." ڕاگەیاندنی هاوسەرگیرییەکە پێش چەند رۆژێک لە دەستبەکاربوونی ماها وەک پاشای تایلەند ئاشکرا کرا، ماها پێشتر سێجار هاوسەرگیریی کردووە و جیابووەتەوە و لەئێستادا حەوت منداڵی هەیە. لەدوای مردنی باوکی لە ساڵی 2016دا، ماها بەپێی دەستور بووە پاشای تایلەند. دوێنێ پڕۆسەى هاوسەرگیرییەکە لە تەلەفزیۆنی فەرمی تایلەند پەخشکرا و تێیدا سەرجەم ئەندامانى پاشایەتى تایلەند ئامادەی ڕێوڕەسمەکە بوون. https://www.youtube.com/watch?v=YE8eXNCuxrw هەرچەندە ماوەى سێ ساڵە سوسیدا جار جار دەرکەدەوێت بەڵام هاوسەرگیرییەکەى لەگەڵ پاشا بۆ هاوڵاتیانى تایلەند جێگەى سەرسوڕمان بوو، پێشتر لە هێڵی ئاسمانیی نێودەوڵەتی تایلەند کاری کردووە. سوسیدا ساڵی 2013 پەیوەندی بە دەزگای پاسەوانى کۆشکی پاشایەتى کردووە و بووە بە فەرماندەی ئاسایش کە پلەکەى جەنەڕاڵە.