گه‌ڕان

Shadow Shadow
سیاسه‌تی

بێدەنگی لەوبارەیەوە شکاند

هەڤاڵ ئەبوبەکر ئەنجامى لێکۆڵینەوە لە سوتانی دارسنەوبەرەکانى تاسڵوجە ئاشکرا دەکات

2020.10.07 - 10:19
App store icon Play store icon Play store icon
هەڤاڵ ئەبوبەکر ئەنجامى لێکۆڵینەوە لە سوتانی دارسنەوبەرەکانى تاسڵوجە ئاشکرا دەکات
ناس کورد-

هەڤاڵ ئەبوبەکر، پارێزگارى سلێمانى ئەنجامى لێکۆڵینەوەى لە سوتانى دارسنەوبەرەکانى تاسڵوجە ئاشکراکرد و دەڵێت "هیچ هۆکارێکى ڕاستەخۆ نەبووە بۆ سوتاندنیان".

کەناڵی ناس کورد لە تێلیگرام جۆین بکە   

 

هەڤاڵ ئەبوبەکر (7 تشرینى یەکەمى 2020) تایبەت بە ناس کوردى ڕاگەیاند، "لێکۆڵینەوەکانمان بەردەوامن، ئەو لیژنەیەى دروستمانکردبوو دوا کۆنوسى خستووەتە بەردەممان و پەسەندمان کردووە".

 

ڕونیشیکردەوە، "هیچ هۆکارێکى ڕاستەوخۆ بۆ سوتاندنى ئەوانەى رێگەى تاسڵوجە-راپەڕین نەبووە، لەو شوێنانەى تریش هۆکارى سەرەکى بۆ کەمتەرخەمى ئەو هاوڵاتییانە دەگەڕێتەوە کە بۆ کارکردن یان سەرگەمکردن یان سەیران دەچنە ئەو شوێنانە".

 

هەڤاڵ ئەبوبەکر وتیشى، "ئەو ئاگرەى کە لەوێ ڕوویداوە دوو جۆر بووە، یەکێکیان بەهۆى ئاگرکەوتنەوەى بەنزینخانەیەک بووە، ئەمانە لە حەوتى شەشى ئەمساڵدا روویدانداوە نەک لەمانگى نۆدا، بەهۆى ئاگرتنەوەى ئەو بەنزینخانەیەوە بەشێک لەو دارانە سوتاون".

 

باسى لەوەشکرد، "هۆکارێکى تر ئاگرکەوتنەوەیەک بووە لە فەرماندەیی، کە لەسەرەوەى ئەو دارانەوەیە و ئاگرەکە هاتووە بۆ خوارەوە، لە لێکۆڵینەوەى بەردەوامداین، فەرماندەیی گشتى پێشمەرگەش لەگەڵمان هەماهەنگن بۆ ئەوەى بگەینە هۆکارە راستەقینەکانى ئاگرکەوتنەوەکە".

 

پارێزگارى سلێمانى جەختیکردەوە، هەرچەندە لێکۆڵینەوەکان بەردەوامن لەو بارەیەوە لەگەڵ فەرماندەیی پێشمەرگە و ئاسایش، بەڵام هاوڵاتیان دڵنیادەکەنەوە کە هۆکارەکان ئەنقسەت نەبووە و بەهۆى کەمتەرهەمى دەزگاکانى حکومەتەوە نەبووە.

 

کۆتایی مانگى ڕابردوو، گرتەى ڤیدیۆى سوتاندنى ژمارەیەک دارسنەوبەرى سەر ڕیگاى تاسڵوجە لەتۆڕە کۆمەڵایەتییەکان و میدیاکان بڵاو کرایەوە، لەلایەن ژمارەیەک لەپەرلەمانتارەوە باس لەوەکرا چەند بەرپرسێک دەیانەوێت دواى سوتاندنى دارسنەوبەرەکان ئەو زەوییانە بکەنە پڕۆژەى بازرگانى.