گه‌ڕان

Shadow Shadow
سیاسه‌تی

وەزیری دارایی کاتی دابەشکردنی موچەى ڕاگەیاند

2020.10.06 - 18:44
وەزیری دارایی کاتی دابەشکردنی موچەى ڕاگەیاند

ناس کورد-  

وەزیری دارایی عێراق ڕایگەیاند، سبەینێ چوارشەممە موچەى مانگی دواخراوی ئەیلولی فەرمانبەرانی دەوڵەت دابەشدەکرێت.

 

عەلی عەلاوی، وەزیری دارایی عێراق (6ی تشرینی یەکەمی 2020) جەختیکردەوە کە "موچەکەش بە تەواوەتی و بەبێ لێبڕین دابەش دەکرێت."  

 

دەشڵێت، "خەرجکردنی موچە دوای فەرمانی مستەفا کازمی، سەرۆکوەزیرانی بووە" و جەختی کردووەتەوە کە "ئێمە پابەندین بە دەستەبەرکردنی سەرجەم پابەندییە یاساییەکانی."

 

ڕاگەیەندراوەکە دەشڵێت، "سەرباری ئەو کۆرتهێنانەی کە لەئێستادا حکومەت بە دەستییەوە دەناڵێنێت بەهۆی کەمی داهاتەکانەوە، بەڵام وەزارەتی دارایی بەردەوامە لە هەماهەنگی وگۆڕێنەوەی بۆچوونەکان لەگەڵ پەرلەمانی عێراق و لایەنە پەیوەندی دارەکان بۆ ئەوەی بتوانرێت چارەسەرێکی خێرا بۆ ئەم قەیرانە داراییە بدۆزرێتەوە".

 

وەزارەتی دارایی ئاماژەی بەوەشکردوە، "دامانەوێت هۆشداری بدەین کە لە ئایندەدا فشاری دارایی لەسەر وڵاتەکەمان زیاتردەبێت، ئەوەش بەهۆی کەمبوونەوەی فرۆشی نەوت و دابەزینی نرخەکەی بەهۆی وبڵاوبوونەوەی پەتای کۆرۆنا".

 

بەڵام جەختی کردووەتەوە کە "ئەو قەیرانەی کە ئێستا بەرۆکی عێراقی گرتووەتەوە تەنها ڕێگا بۆ چارەسەرکردنی  یەکگرتووی نیشتیمانییە".  

 

باسی لەوەشکردووە کە "تیمی وەزارەتی دارایی پلانی چاکسازی "وەرەقەی سپی" ئامادەکردووە و دەینێرێت بۆ سەرۆکوەزیران، هەروەها سەرقاڵی ئامادەکردنی ڕەشنوسی بودجەى 2021-2023یە و دڵنیاین پرۆسەی چاکسازی و گۆڕانکاری عێراق بەرەو ئابورییەکی بەهێزتر دەبات."