گه‌ڕان

Shadow Shadow
سیاسه‌تی

’كازمی پاڵپشتیی وەرگرت بۆ لێپیچینەوە لە 16 میلیشیای چەكدار’

2020.10.06 - 10:19
’كازمی پاڵپشتیی وەرگرت بۆ لێپیچینەوە لە 16 میلیشیای چەكدار’

ناس کورد-

مستەفا كازمی پاڵپشتی وەرگرتووە بۆ لێپیچینەوە لە 16 میلیشیای چەكدارى تۆمەتبار بە ئەنجامدانى هێرشە موشەکییەکان، ئەوەش بەگوێرەى رۆژنامەى شەرقولئەوسەت.

 

بەگوێرەى راپۆرتێکى ڕۆژنامەکە (6ی تشرینی یەکەمی 2020)، هێرشە موشەکییەکەى بەرەبەیانى دوێنێ شکاندنى ئاگربەستى فشەڵى ئەمریکا و گروپە چەکدارەکان بووە لە عێراق و رەنگە بۆ هەڵسەنگاندنى کاردانەوەى عێراق یان ئەمریکا بووبێت بەرانبەر هەر هێرشێکى لەو شێوەیە.

 

حسێن عەلاوى، مامۆستاى ئاسایشى نیشتیمانى لە زانکۆى نەهرەین بە رۆژنامەکەى وتووە، مستەفا کازمى پشتیوانى لایەنەکانى بەدەستهێناوە بۆ لێپیچینەوە لە 16 میلیشیای چەكدار کە تۆمەتبارن بە بەئامانجگرتنى نێردە دیبلۆماسیەکان".

 

وتیشى "هەوڵە هەواڵگرییەکانى ئێستا بۆ ئەوەیە زانیارى لەبارەى ئەو گروپانە و فەرماندە و سەرچاوەى داراییان ئاشکرابکرێت".

 

عەلاوى باسى لەوەشکردووە، ناوەڕۆکى لێپێچنەوە و ئاشکراکردنى ئەو گروپانە زۆر نزیکە، کازمى لەگەڵ سەرکردە سیاسییەکان کۆدەبێتەوە بۆ ئاشکراکردنى وردەکاریی ئەو گروپانە و بڕیاردانى پێویست لەبارەیانەوە.

 

سەرچاوەیەکى ئەمنى لە بەغدا ( 5ی تشرینی یەکەمی 2020) بە ناس کوردى راگەیاند "دوو موشەک لە گۆڕەپانێکى کراوە لە دەوروبەرى فڕۆکەخانەى نێودەوڵەتى بەغدا، کەوتنە خوارەوە".  

  

کەوتنە خوارەوەى ئەو دوو موشەکە دواى تێپەڕبوونى هەفتەیەک هات بەسەر کەوتنە خوارەوەى موشەکێکى جۆرى کاتیۆشا لە ماڵێکى ناوچەى رەزوانییە کە بەهۆیەوە ژمارەیەک لە کەس گیانیانلەدەستدا کە زۆرینەیان منداڵ بوون.