گه‌ڕان

Shadow Shadow
سیاسه‌تی

مەسرور بارزانی : لەم کابینەیەدا تەنها دوو موچەمان نەداوە

2020.10.05 - 10:47
App store icon Play store icon Play store icon
مەسرور بارزانی : لەم کابینەیەدا تەنها دوو موچەمان نەداوە

ناس کورد-

سەرۆکی حکومەتی هەرێمی کوردستان ڕایگەیاند، ئەو دۆخە داراییەی دروست بووە حکومەت دروستی نەکردووە و ناچارن خۆیانی لەگەڵ بگونجێنن بە کەمکردنەوەی خەرجییەکان و ڕێکخستنەوەی موچە، دەشڵێت، لەم کابینەیەدا تەنها دوو موچەیان نەداوە.

کەناڵی ناس کورد لە تێلیگرام جۆین بکە   

لەمیانی بەشداریکردنی لە دانیشتنی پەرلەمانی کوردستان و دەربارەی پرسی موچە، مەسرور بارزانی، سەرۆکی حکومەتی هەرێمی کوردستان ڕایگەیاند، ئەم کابینەی حکومەت لەماوەی 12 مانگدا تەنها دوو موچەی نەداوە، ئەوەش بەهۆی نەناردنی تەمویلی بەغدا و ئەو دۆخەی دروست بووە و موچەی سەرجەم مانگەکانی دیکەی دابەشکردووە.

 

وتیشی، هەر بەوبۆنەیەوە و  بەهۆی ئەو دۆخە نالەبارەی جیهانی گرتووەتەوە، ناچاربوون %21ی موچە ببڕن و %79ی تەمویل بکەن.

 

باسی لەوەشکرد: "ئەم دۆخەی دروست بووە حکومەت دروستی نەکردووە، ئەمە دۆخێکی جیهانی و ناوچییە و ناچارین خۆمانی لەگەڵ بگونجێنین بە پشت بەستن بەو داهاتەی کە لەبەردەستماندایە بە کەمکردنەوەی خەرجی و ڕێکخستنەوەی موچە."

 

جەختیشیکردەوە، حکومەت خاوەنی هیچ پاشەکەوت و یەدەگێکی دارایی نییە و بە قەبارەیەکی گەورەش قەرزارە.