گه‌ڕان

Shadow Shadow
سیاسه‌تی

کۆشکى سپى وێنەیەکى ترى دۆناڵد تڕەمپى لەنەخۆشخانە بڵاو کردەوە

2020.10.05 - 09:08
App store icon Play store icon Play store icon
کۆشکى سپى وێنەیەکى ترى دۆناڵد تڕەمپى لەنەخۆشخانە بڵاو کردەوە

ناس کورد- 

کۆشکى سپى نوێترین وێنەى دۆناڵد تڕەمپ، سەرۆکى ئەمریکاى لەنەخۆشخانەى وڵتەر ڕیدى سەربازى بڵاو کردەوە کە بەهۆى توشبوونى بە کۆرۆنا لەژێر چاودێرى پزیشکیدایە.

 

کەناڵی ناس کورد لە تێلیگرام جۆین بکە   

لەڕاگەیەنراوێکدا کۆشکى سپى ئەمریکا بڵاوى کردەوە، دۆناڵد تڕەمپ، سەرۆکى ئەمریکا لە ژوورى کۆنگرەکان کە دەکەوێتە ناوەندى وڵتەر ڕیدى پزیشکى سەربازییەوە پەیوەندى تەلەفۆنى لەگەڵ مایک پێنس جێگری سەرۆکى ئەمریکا و مایک پۆمپیۆ، وەزیرى دەرەوەى ئەمریکا و ژەنەراڵ مارک میلى سوپا سالارى ئەمریکا ئەنجامداوە.

 

ڕاگەیەنراوەکە باسى لەناوەڕۆکى پەیوەندییە تەلەفۆنییەکەى ترەمپ نەکردووە کە بەرپرسە دیارەکانى ئیدارەى ئەمریکاى کۆکردووەتەوە.

 

پێشتریش تیمى پزیشکى سەرپەرشتیارى چارەسەرى دۆناڵد ترەمپ ڕایگەیاند، ترەمپ رۆژانى داهاتوو نەخۆشخانە جێدەهێڵێت و تەنها نیشانەى سوکى هەیە و تەندروستى باشە.  

  

تیمەکە  لە کۆنفرانسێکى ڕۆژنامەنوسیدا ئاماژەیان بەوەکرد، ترەمپ دوو جار ئاستى ئۆکسین لە خوێنیدا کەمبووەتەوە لەو کاتەوە کە توشى کۆرۆنا بووە.  

  

دەشڵێن، دۆخى تەندروستى ترەمپ لە باشبوونى بەردەوامدایە، ئێستا هیچ نیشانەیەکى وەک بەرزى پلەى گەرما و تەنگەنەفەسەیی نییە.