گه‌ڕان

Shadow Shadow
سیاسه‌تی

تەندروستى هەرێم هۆشداریدەدات: نەخۆشخانەکان پڕ دەبن لە توشبوو

2020.10.04 - 21:14
App store icon Play store icon Play store icon
تەندروستى هەرێم هۆشداریدەدات: نەخۆشخانەکان پڕ دەبن لە توشبوو

ناس کورد-

وەزارەتى تەندروستى حکومەتى هەرێمى کوردستان هۆشداریدەدات لە بەرزبوونەوەى زیاترى ئامارى توشبوون و مردووان لەهەرێم.

 

کەناڵی ناس کورد لە تێلیگرام جۆین بکە   

د. ئاسۆ حەوێزی وتەبێژی وەزارەتی تەندروستی (2020/9/4) لە ڕاگەیەنراوێکدا ڕایگەیاند "کۆڕۆنا مەترسیدارە، ئەوەی لەماوەی ڕابردوو ڕوویدا ئەگەر هاوڵاتیان ئاگایان لەخۆیان نەبێت لە پایز و زستاندا تووشبوون و مردن زۆر زیاتر دەبێت و هیچ نەخۆشخانەیەکی حکومی و ئەهلی شوێنی نامێنێت بۆ نەخۆش".

 

وتیشى "لە دهۆک و سلێمانی تووشبوون و مردن لە هەڵکشانە، لە هەولێر و هەموو شارەکانی تر پێشبینی زیاتر دەکرێت، کۆڕۆنا جیاوازی ناکات لە هیچ سنور و شوێنێک".

 

پێشتر وەزارەتی تەندروستی هەرێمی كوردستان ئاماری 24 كاتژمێری رابردووی كۆرۆنای راگەیاند كە 620 توشبوی نوێ تۆماركراون و بەوەش كۆی گشتی توشبوان لە هەرێم 50 هەزار كەسی تێپەڕاندوە.  

  

بەگوێرەى ئامارەکانى وەزارەتەکە، هەر لە ماوەی 24 كاتژمێری رابردوودا 19 تووشبووی كۆرۆنا گیانیان لەدەستداوەو 324 تووشبووش چاكبوونەتەوە.