گه‌ڕان

Shadow Shadow
سیاسه‌تی

ئەنجامى لێکۆڵینەوە لەتەقینەوەى ناو بارەگایەکى هێزەکانى 70 ئاشکرادەکرێت

2020.10.04 - 19:11
App store icon Play store icon Play store icon
ئەنجامى لێکۆڵینەوە لەتەقینەوەى ناو بارەگایەکى هێزەکانى 70 ئاشکرادەکرێت

ناس کورد-

 

فەرماندەى هێزەکانى 70 ى پێشمەرگە ڕایگەیاند، سبەینێ ئەنجامى لێکۆڵینەوە لە تەقینەوەى کۆگایەکی چەک و تەقەمەنی لە بارەگاى هێزەکانیان لەتاسڵوجە ڕادەگەیەنرێت.

کەناڵی ناس کورد لە تێلیگرام جۆین بکە   

 

مستەفا چاوڕەش فەرماندەى هێزەکانى 70ى پێشمەرگە (4-10-2010) بە ناس کوردى ڕاگەیاند "لێکۆڵینەوە لە تەقینەوەکە بەردەوامە و هێشتا هۆکارەکەى نازانرێت".

 

وتیشى "لیژنەى لێکۆڵینەوە پێکهێنراوە و سبەینێ ئەنجامەکەى ڕادەگەیەنرێت".

 

مستەفا چاوڕەش باسى لەوەشکرد، تەقینەوەکە هیچ زیانێکى گیانى نەبووە، تەنها زیانى ماددى لێکەوتووەتەوە، ئەوانەش کە سوتاون کەلوپەلى کۆن و بەسەرچوو بوون.

 

تەقینەوەکە پێشنیوەڕۆی ئەمڕۆ ڕویدا لە کۆگایەکی چەک و تەقەمەنی هێزەکانى 70ى پێشمەرگە لە تاسڵوجە.

 

ئەحمەد لەتیف، وتەبیژی هێزەکانی 70ی پێشمەرگە (4ی تشرینی دووەمی 2020) بە ناس کوردی ڕاگەیاند، هیچ زیانێکی گیانی لە ڕووداوەکە نەکەوتووەتەوە، تاوەکو ئێستا نازانن هۆکاری تەقینەوەکە چییە و دواتر لێکۆڵینەوە لەوبارەیەوە دەکەن.