گه‌ڕان

Shadow Shadow
سیاسه‌تی

كازمی بۆ نەیارانی ئەمەریكا: ئەی بۆ چوون بۆ كۆشكی سپی تا سەدامتان بۆ بڕوخێنێت

2020.10.04 - 00:02
App store icon Play store icon Play store icon
كازمی بۆ نەیارانی ئەمەریكا: ئەی بۆ چوون بۆ كۆشكی سپی تا سەدامتان بۆ بڕوخێنێت

ناس کورد-

مستەفا كازمی پەیامێكی ئاراستەی ئەو لایەنانە كرد كە دژی پەیوەندییەكانی عێراق و ئەمەریكان و وتی "بۆچی هەڵگەڕاونەتەوە؟".

کەناڵی ناس کورد لە تێلیگرام جۆین بکە   

 

مستەفا كازمی لەمیانەی دیمانەیەكدا لەگەڵ كەناڵی فەرمی دەوڵەت (العراقیة) كە "ناس كورد" دیویەتی شەوی (3 /4  تشرینی یەكەمی 2020) وتی: "هەيە موزايەدە بەسەر پەيوەنديەكانى عێراق و ولايەتە يەكگرتوەكانى ئەمريكاوە دەكات، بەڵام هەندێكيان چوون بۆ كۆشكى سپى و داوايان لێكردون كە كۆتايى بە ڕژێمى سەدام حسێن بهێنن بۆيان، ئەم هەڵگەڕانەوەيە بۆچى؟."

 

هێماى بۆ ئەوەشكرد، ئەمريكا لە قۆناغى داگيركارى تا ساڵى 2011 كەوتە هەڵەى گەورەوە، بەڵام هاوكاريان كردين لە كۆتايى هێنان بە ڕژێمى سەدام حسێن، هەروەها هاوكارييان كردين دژى داعش.

 

پێشى وايە،  پێويستە شەرم نەكەين لە هەر پەيوەنديەك بەرژەوەندى گەلى عێڕاقى تێدا بێت، بەڵام هەندێك كەسايەتى سياسى بە ئاشكرا ڕەخنە لە ئەمريكا دەگرن بەڵام لە ژوورە تاريكەكاندا فێڵدەكەن.

 

سەرۆكوەزيرانى تەئكيديشى كردوەتەوە: "ئێمە شەرم ناكەين لە پەيوەنديەكانمان نە لەگەڵ ئەمريكا نە لەگەڵ ئێران نە لەگەڵ سعوديە، شەرم لە هيچ پەيوەنديەك ناكەين خزمەتى گەلى عێڕاق بكات و كێشەكانمان كۆتايى پێبهێنێت."