ئەگەر بۆنى ئەم چوار شتە ناکەیت ئەوە توشبووی کۆرۆنایت

ناس کورد-

توێژینەوەیەکى نوێ دەریخستووە کە لەدەستدانى هەستى بۆنکردنى چوار شت ئاماژەیە بۆ توشبوون بە کۆرۆنا و پێویستە ئەو کەسانە خۆیان کەرەنتین بکەن.

کەناڵی ناس کورد لە تێلیگرام جۆین بکە   

 

توێژینەوەکە لە گۆڤارى (بلوس میدیسن)ى پزیشکى بڵاوکراوەتەوە و 590 کەس لە ڕێگەى ئینتەرنێتەوە بەشداریان کردووە و وەڵامى پرسیارێکیان داوەتەوە لەبارەى لەدەستدانى هەستى بۆنکردن و تامکردن.

 

توێژەران بەشێوەیەکى گشتى بۆیان دەرکەوتووە، ئەو کەسانەى توشى ڤایرۆسەکە بوون هەستى بۆنکردنى سیر و پیاز و قاوە و بۆنیان  (عەتر) لەدەستداوە.

 

جەختیشیانکردووەتەوە، ئەوانەى ناتوانن بۆنى ئەو چوار شتە بکەن پێویستە خۆیان کەرەنتین بکەن و پشکنینى پێویست بکەن.

 

بەوتەى توێژەران، ئەوانەى هەستى بۆنکردنیان لەدەستداوە سێ ئەوەندە هەلى ئەوەیان زیاترە کە پشکنینەکانیان پۆزەتیڤ بێت بەراورد بەوانەى کە هەستى تامکردنیان لەدەستداوە.