گه‌ڕان

Shadow Shadow
سیاسه‌تی

هەموو عێراق دەبێتە چەند بازنە؟

سائیرون نیمچە ڕێکەوتنێک لەسەر بازنەکانى هەڵبژاردن ئاشکرادەکات

2020.10.03 - 09:12
سائیرون نیمچە ڕێکەوتنێک لەسەر بازنەکانى هەڵبژاردن ئاشکرادەکات

ناس کورد-

 

پەرلەمانتارێکى هاوپەیمانى سائیرون لە پەرلەمانى عێراق ڕایگەیاند، تا ئێستا گەیشتوونەتە نیمچە ڕێکەوتنێک بۆ ئەوەى  فرە بازنەیى هەڵبژاردنەکان بچەسێت و نەگەڕێنەوە بۆ دواوە.

 

 

ڕۆژنامەى سەباحى فەرمى ئەمڕۆ شەممە بڵاویکردەوە، وا چاوەڕواندەکرێت ڕۆژى شەممەى داهاتوو ڕێکەوتى 10ى تشرینى یەکەمى 2020 پەرلەمان ناکۆکیەکان لەسەر مادەى 15 یاسایى هەڵبژاردنى نوێ یەکلا بکاتەوە کە تایبەتە بە دابەشکردنى بازنەکانى هەڵبژاردن.

 

غایب عەمیرى پەرلەمانتارى هاوپەیمانى  سائیرون بە ڕۆژنامەکەى وتووە، ئەو پیشنیارەى کە نزیکە لەجێبەجێکردنەوە و ڕەزامەندى زۆربەى حزبەکانى لەسەرە ئەوەیە کە هەر بازنەیەک 3 بۆ 5 کورسى لەخۆ بگرێت، لەگەڵ پشتبەستن بە ژمارەى ژنان لەپەرلەمان.

 

باسى لەوەشکردووە، هەورەها نیمچە ڕێکەوتنێک لەنێوان لایەنەکاندا هەیە بۆ ئەوەى هەموو عێراق نزیکەى 83 بازنەى هەڵبژاردن بێت.

 

لاى خۆشیەوە یۆنادم کەنا سەرۆکى فراکسیۆنى ڕافیدەین لەپەرلەمانى عێراق بە ڕۆژنامەى سەباحى فەرمیى ڕاگەیاندووە، ئاڕاستەیەکى گشتى لەناو پەرلەماندا هەیە بۆ ڕێکەوتن لەسەر ژمارەى بازنەکان لە 3 بۆ 7 بازنە بۆ هەر پارێزگایەک و ژمارەیەک لایەنیش لەوە ناڕازین.

 

هەفتەى ڕابردوو پەرلەمانى عێراق دەنگیدا لەسەر میکانزیمى تایبەت بە دابەشکردنى بازنەکانى هەڵبژاردن، بەڵام دەنگدانى تەواوەتى لەسەر یاساى هەڵبژاردن بۆ 10ى تشرینى یەکەم دواخست.