گه‌ڕان

Shadow Shadow
سیاسه‌تی

پێویستى بەهەناسەدانى دەستکرد هەیە؟

وێنە و ڤیدیۆ..یەکەم دەرکەوتنى ترەمپ دواى توشبوونى بە کۆرۆنا

2020.10.03 - 08:05
App store icon Play store icon Play store icon
وێنە و ڤیدیۆ..یەکەم دەرکەوتنى ترەمپ دواى توشبوونى بە کۆرۆنا

ناس کورد-

دۆناڵد ترەمپ سەرۆکى ئەمریکا بۆ یەکەمجار لەدواى توشبوونى بە ڤایرۆسى کۆرۆنا دەرکەوت، کاتێک لە کۆشکى سپییەوە گوازرایەوە بۆ نەخۆشخانە.

کەناڵی ناس کورد لە تێلیگرام جۆین بکە   

 

شۆن کونلى پزیشکى کۆشکى سپى ڕایگەیاند "ترەمپ پێویستى بە ئامێرى هەناسەدانى دەستکرد نییە".

 

وتیشى "ترەمپ دەستیکردووە بە خواردنى دەرمانى ریدیسیفیرى دژە کۆرۆنا".

ترەمپ درەنگانى شەوى ڕابردوو گوازرایەوە نەخۆشخانەى والتر ریدى پزیشکى و بۆ ماوەى چەند ڕۆژێک لەنەخۆشخانەکە دەمێنێتەوە.

 

پێشتر رۆژنامەى “فانيتي فاير” لەزارى دوو سەرچاوەى ئاگادارەوە گواستییەوە، ترەمپ بەدەست کۆکە و بەرزبوونەوەى پلەى گەرمى جەستەیەوە دەناڵێنێت، بەهۆى توشبوونى بە کۆرۆنا.  

لاى خۆیانەوە دوو سیاسەتمەدارى نزیک لە کۆشکى سپى دەڵێن، ئیدارەى ئەمریکا هەست بە نیگەرانى و دوو دڵى دەکات بەهۆى تەمەنى زۆرى ترەمپ کە گەیشتووەتە 74 ساڵ.  

 

دۆناڵد ترەمپ سەرۆکى ئەمریکا و میلانیاى هاوسەرى دوێنێ هەینى توشبوونیان بە کۆرۆنا ڕاگەیاند و خۆیان کەرەنتین کرد، پێش نزیکەى مانگێک لە بەڕێوەچوونى هەڵبژاردنى سەرۆکایەتى ئەمریکا.