گه‌ڕان

Shadow Shadow
سیاسه‌تی

پێشمەرگەش لەو ناوچەیە نزیکن

حەشدى شەعبى: ئەو شوێنەى موشەکەکانى لێوە ئاراستە کراوە ناوچەیەکى هاوبەشى نێوان ئێمە و سوپایە

2020.10.01 - 00:16
حەشدى شەعبى: ئەو شوێنەى موشەکەکانى لێوە ئاراستە کراوە ناوچەیەکى هاوبەشى نێوان ئێمە و سوپایە

ناس کورد-

لیواى 30ى دەستەى حەشدى شەعبى راگەیەندراوێکى لەبارەى ئەو هێرشە موشەکییە بڵاوکردەوە کە ئەمشەو کرایە سەر شارى هەولێر و ئاماژە بەوە دەکات کە ئەو ناوچەیەى موشەکەکانى لێوە ئاراستە کراوە ناوچەى هاوبەشن.

 

لە راگەیەندراوەکەدا ئاماژە بەوە کراوە، دەستیانکردووە بە گەڕان و پشکنین بۆ دەستگیرکردنى ئەوانەى بەو کارە هەستاون و موشەکەکانیان ئاڕاستەى هەولێر کردووە و پڕۆسەى گەڕانەکە بەردەوامە.

 

بەگوێرەى راگەیەندراوەکەى لیواى 30ى دەستەى حەشدى شەعبى، ئەو ناوچەیەى کە موشەکەکانى لێوە ئاراستەى هەولێر کراوە ناوچەى هاوبەشى حەشدى شەعبى و سوپاى عێراقە و هێزەکانى پێشمەرگەش لەو ناوچەیەوە نزیکن.