گه‌ڕان

Shadow Shadow
سیاسه‌تی

سێ موشەک لە ناوچەیەکى نزیک شارى هەولێر کەوتە خوارەوە و بەهۆیەوە ئاگر کەوتۆتەوە

2020.09.30 - 21:15
سێ موشەک لە ناوچەیەکى نزیک شارى هەولێر کەوتە خوارەوە و بەهۆیەوە ئاگر کەوتۆتەوە

ناس کورد-

سێ موشەک لە نزیک بارەگاکانى حزبى دیموکراتى کوردستان لە ناوچەى گردەچاڵ کەوتنە خوارەوە و بەهۆى ئەوەوە ئاگر لەو ناوچەیە کەوتۆتەوە.

 

پەیامنێرى ناس کورد لەهەولێر رایگەیاند "کەمێک لەمەوبەر لە نزیک بارەگایەکى حزبى دیموکراتى کوردستان لە ناوچەى گردەچاڵ سێ موشەک کەوتنە خوارەوە".

 

وتیشى"هێشتا زیانى ماددى و گیانى رووداوەکە نەزانراوە بەڵام بەهۆى کەوتنەخوارەوەى موشەکەکان ئاگرێکى زۆر کەوتۆتەوە".

 

بەگوێرەى پەیامنێرى ناس کورد لە هەولێر، ئەو ناوچەیەى کە موشەکەکانى لێ کەوتووەتە خوارەوە دەکەوێتە پشتى عەینکاوە و پشت فڕۆکەخانەى هەولێر لە گەزنە و گردەچاڵ و دەکەوێتە دەرەوەى شەقامى 150 مەترى شارى هەولێر.

 

رونیشیکردەوە "ئەو ناوچەیە بارەگا و کەمپێکى حزبى دیموکراتى کوردستانى ئێرانى لێیە کە نزیکەى 25 ساڵە لەو ناوچەیەدان کە وەختى خۆى ئاوارە بوون و ناسنامەیان نییە و تەنها خاوەنى ناسنامەى نەتەوە یەکگرتووەکانن".