گه‌ڕان

Shadow Shadow
سیاسه‌تی

گۆڕانکارى لە دەرکردنى پاسپۆرتدا دەکرێت ’بەڕێوەبەرى گشتى رونکردنەوە دەدات’ 

2020.09.30 - 20:28
گۆڕانکارى لە دەرکردنى پاسپۆرتدا دەکرێت ’بەڕێوەبەرى گشتى رونکردنەوە دەدات’ 

ناس کورد-

بەڕێوەبەری گشتیی بەڕێوەبەرایەتی باری شارستانی و پاسپۆرت و نشینگەی عێراق ڕایگەیاند، کارتی نیشتمانی بەشێوەیەکی یەکجارەکی ئەوهەڵانەی کە پێشترلە تۆمارە کاغەزییەکاندا دەکران ناهێڵێت. ئاماژە بە خزمەتگوزارییەکى خێراش دەکات کە لەڕێگەیەوە لە ماوەى یەک کاتژمێردا پاسپۆرت بۆ هاووڵاتیان دەردەکرێت. 

 

ئەمڕۆ (چوارشەممە، 30ی ئەیلولی 2020)، لیوا ریاز جوندی ئەلکەعبی، بەڕێوەبەری گشتیی بەڕێوەبەرایەتی باری شارستانی و پاسپۆرت و نشینگەی عێراق لە لێدوانێکی ڕۆژنامەوانیدا بۆ میدیا عێراقیییەکان کە ناس کورد بەدواداچوونی بۆ کردووە ئاماژەى بەوە کرد  "کارتی نیشتیمانی هەموو ئەو هەڵانەی کە پێشتر لە تۆمارە کاغەزییەکاندا دەکران ناهێڵێت و بەهیچ شێوەیەکیش بۆ لەمەودوا پێویستمان بە بەکارهێنانی ئەو تۆمارانە نابێت".

 

ئاماژەى بەوەشکرد "فەرمانگەکانمان لە ئێستادا زۆر بەوردی و دەستوبردی کارەکانیان بەڕێوە دەبەن، خزمەتگوزاری خێرامان هەیە کە لە ڕێگەیەوە هاووڵاتی دەتوانێت لەماوەی کاتژمێریکدا و بەبڕی 250 هەزار پاسپۆرتى بۆ دەربکرێت".

 

 بەڕێوەبەری گشتی بەڕێوەبەرایەتی باری شارستانی و پاسپۆرت و نشینگەی عێراق ڕونیکردەوە، ڕۆژانە کارمەندانی بەڕێوەبەرایەتییەکەیان چوار هەزار مامەڵەی جۆراوجۆر ڕایدەکەن و ئامانجیان ئەوەیە زیاتر لەو ژمارەیە ئەنجام بدەن.

 

بەوتەی کەعبی "دانانی سەرە بۆ دەرکردنی کارتی نیشتمانی  بەشێوەی ئەلیکترۆنی هەڵوەشاوەتەوە ئەو ڕێکارە تەنها بۆ ئەوانە دەبێت کە یەکەمجارە کارتی نیشتمانی دەردەکەن، لەهەفتەی داهاتووەوە هاووڵاتیان دەتوانن سەردانی بەڕێوەبەرایەتییەکە بکەن بەشێوەیەکی ئاسایی".

 

 کەعبی، جەختیلەوەشکردووەتەوە، "بەمەبەستی هاوکاریکردنی بریندارەکان و نەخۆشەکان، بەرێوەبەرایەتییەکەمان بەشێکی تایبەتی بۆ ڕایکردنی مامەڵەی ئەو کەسانە تەرخانکردووە بۆ ئەوەی بەزووترین کات مامەڵەکانیان تەواوبێت".