گه‌ڕان

Shadow Shadow
سیاسه‌تی

چۆن و بەچ شێوەیەک ئەو پارەیان دەستکەوتووە؟

سلێمانی؛ چوار سواڵکەر بە چەکی کڵاشینکۆش و پارەیەکی زۆرەوە دەستگیرکران

2020.09.28 - 13:39
سلێمانی؛ چوار سواڵکەر بە چەکی کڵاشینکۆش و پارەیەکی زۆرەوە دەستگیرکران

ناس کورد-

بەڕێوەبەرایەتیی ئاسایشی سلێمانی ڕایگەیاند، چوار تۆمەتباریان دەستگیرکردووە کە بەناوی سواڵکردنەوە لەدەرگای ماڵانیان داوە و دزیان لێکردوون، لەکاتی دەستگیرکردنیشیاندا بڕێکی زۆر لە دراوی دۆلار و دینار و یۆرۆ و تمەن و تەنانەت چەکیشیان پێبووە و سەرجەمیان دەستیان بەسەرداگیراوە.

 

لە راگەیەنراوێكدا بەڕێوەبەرایەتیی ئاسایشی سلێمانی ڕایگەیاند: " لە چالاكییەكدا بەفەرمانی دادوەر و  بەپێی ماددەی (444) لەیاسای سزادانی عیراقی  چوار تۆمەتباری سواڵكەرمان دەستگیرکردووە کە پێکهاتوون لە سێ ژن و پیاوێک و بەناوی سواڵكردنەوە لەدەرگای ماڵانیان داوە، لەكاتێكدا كە زانیویانە ماڵەكە چۆڵە چونەتە ژوورەوە و كەلوپەلی گرانبەهای ماڵەكەیان دزیوە."

 

ئاماژەی بەوەشكردووە، لەكاتی دەستگیركردن و پشكنینی ماڵەكانیان بە فەرمانی دادوەر چەندین پارچە چەك و زێر و بڕەپارەیان پێ گیراوە كەبریتین لە: "یەك چەكی كڵاشنكۆف، یەك دەمانچەی چواردەخۆر، بڕی زیاتر لە 27 هەزار دۆلاری ئەمریكی، 720 هەزار دیناری عیراق، 2360 دوو هەزار و 360 یۆرۆ، 10 ملیون تمەنی ئێرانی و بڕێك زێڕ."

 

بەگوێرەی ڕاگەیەندراوەکەی ئاسایشی سلێمانی،  سەرجەمیان دانیان بەتاوانەكانیاندا ناوە و ڕوبەڕوی یاسا كراونەتەوە و لێكۆڵینەوە لەگەڵیاندا بەردەوامە.