گه‌ڕان

Shadow Shadow
سیاسه‌تی

ئاسایش لێکۆڵینەوە لە رووداوەکە دەکات

ناس کورد وردەکارى تەقینەوەکەى ئەمڕۆى شارەزوور بڵاودەکاتەوە 

2020.09.28 - 11:03
ناس کورد وردەکارى تەقینەوەکەى ئەمڕۆى شارەزوور بڵاودەکاتەوە 

ناس کورد-

لە گوندێکی سنوری قەزای شارەزور نارنجۆکێک بە ئۆتۆمبێلێکدا تەقییەوە و بەهۆیەوە هاووڵاتییەکى عەرەب برینداربوو، قائیمقامی قەزاکەش دەڵێت، پێدەچێت کەسێک بۆمبەکەی بۆ دانابێت.

 

ڕزگار غەفور، قائیمقامی قەزای شارەزور بەناس کوردی ڕاگەیاند: "سەرلەبەیانی ئەمڕۆ دووشەممە، لە گوندی قەرەگۆل نارنجۆکێک بە ئۆتۆمبێلی هاووڵاتییەکى عەرەبدا تەقیوەتەوە و بەهۆیەوە لەقاچیدا توشی برینداری بووە".

 

وتیشی: "هاووڵاتییەکە ویستویەتی ئۆتۆمبێلەکەی بباتە دەرەوە لەماڵ کاتێک چووەتە دەرەوە نارنجۆکەکە پێیدا تەقیوەتەوە". 

 

قائیمقامی شارەزور ئاماژەی بەوەشكرد، تاوەکو ئێستا نازانن کێ ئەو کارەی کردووە و هۆکاری ڕووداوەکەش چییە، دۆسییەکە دراوەتە ئاسایش و لێکۆڵینەوە لەڕووداوەکە دەستیپێکردووە.