گه‌ڕان

Shadow Shadow
سیاسه‌تی

بەرپرسێکی تەندروستی هۆشداری دەدات

شەپۆلی دووەمی کۆرۆنا لە فەڕەنسا زۆر زووتر لەوە دێت ’’کە چاوەڕێمان دەکرد’’

2020.09.27 - 11:54
App store icon Play store icon Play store icon
شەپۆلی دووەمی کۆرۆنا لە فەڕەنسا زۆر زووتر لەوە دێت ’’کە چاوەڕێمان دەکرد’’

ناس کورد-

بەرپرسێکی باڵا لە لیژنەى نیشتیمانیی فەڕەنساى سەر بە سەندیکاى پزیشکان هۆشدارى دەدات لەوەى وڵاتەکەى لە مانگەکانى پایز و زستاندا دوچارى قۆناغێکى سەخت لە تەشەنەسەندنى ڤایرۆسی کۆرۆنا دەبێت و بۆ چەند مانگێکیش بەردەوام دەبێت، دەشڵێت، گەر شتێک نەگۆڕێت لەو دۆخە ئەوا سیستمى تەندروستیان دادەڕۆخێت.

کەناڵی ناس کورد لە تێلیگرام جۆین بکە   

 

پاتریک بوێت هۆشدارى ئەوەی داوە وڵاتەکەى دووچارى تەشەنەسەندنى ڤایرۆسى کۆرۆنا دەبێت و بۆ چەند مانگێگ بەردەوام دەبێت و گەر بێتو شتێک بۆ گۆڕینى ئەو دۆخەش نەکرێت ئەوا سیستمى تەندروستىیان دادەڕۆخێت.

 

ئاماژەى بۆ ئەوەش کردووە، شەپۆلى دووەم خێراتر لەوەى کە چاوەڕوان دەکرێت دێت و هۆشدارییەکەى وەزیرى تەندروستیش لەم هەفتەیە بۆ چارەسەرى دۆخەکە بەس نییە.

 

باسى لەوەش کردووە، تیمى تەندروستی وەکو پێویست بەردەست نییە و سیستمى تەندروستى فەڕەنساش تواناى جێبەجێکردنى سەرجەم داواکارییەکانى نییە.

 

لەماوەى 24 کاتژمێرى ڕابردوودا، زیاتر لە 14 هەزار توشبووى ڤایرۆسى کۆرۆنا لە فەڕەنسا تۆمار کرا و بەپێى ئامارەکانى دامەزراوەى گشتیی تەندروستیش، بەپێى ئەو پشکنینە بەردەوامانەى کە دەکرێن ڕێژەى توشبوون لە بەرزبونەوەدایە.

 

ڕۆژى چوار شەممەى ڕابردووش ، حکومەتى فەڕەنسا کۆمەڵێک ڕێوشوێنى توندى ڕاگەیاند لەدژى تەشەنەسەندنى ڤایرۆسەکە لە زۆربەى ناوچە جیاجیاکاندا لەوانە داخستنى شوێنە گشتى و چێشتخانەکان لەمەرسیلیا و سەپاندنى حاڵەتى ئاگادارکردنەوە لە 11 شاردا بە پاریسیشەوە.